Pisalema 9:18 - BIBELE Mahungu Lamanene

¹⁸ Vapfumari va nga ka va nga rivariwi minkarhi hinkwayo, ni ku tshemba ka swisiwana ku nga ka ku nga heleli makumu.

Xitsonga (Bibele)

¹⁸ Hikuva xisiwana xi nga ka xi nga rivariwi hi masiku, Kambe ku langutela ka lava nga ekhombyeni, ku nga ka ku nga lovi hi laha ku nga heriki.

Pisalema 9:18 Referans Kwoze

Pisalema 12:5

HOSI yi ri: “Sweswi ndzi ta suka ndzi yima, hikuva swisiwana swi tekeriwa swilo swa swona, ni vapfumari va le ku konyeni. Vanhu lava nyefuriwaka, ndzi ta va nghenisa eku hlayisekeni.”

Swivuriso 23:18

kutani u ta vona swa nkarhi lowu taka, ku tshemba ka wena ku nge heleli empfhukeni.

Swivuriso 24:14

Tiva leswaku vutlhari byi fana ni vulombe evuton'wini bya wena: Loko u ri ni vutlhari, u nga kanakani hi leswi nga ta humelela enkarhini lowu taka, naswona ku tshemba ka wena a ku nga heleli empfhukeni.

Yakobo 2:5

Yingisani vamakwerhu lava rhandzekaka: Xana Xikwembu a xi hlawulanga lava nga swisiwana emisaveni leyi leswaku va va lava fuweke hi tlhelo ra ku pfumela xana? Xana a xi va hlawulelanga ku dya ndzhaka ya Mfumo lowu xi wu tshembiseke lava va xi rhandzaka xana?

Pisalema 102:20

kutani xi twile ku konya ka lava bohiweke; lava a va avanyiseriwile rifu, xi va kutsurile.

Luka 6:20

Kutani Yesu a languta vadyondzisiwa va yena, a ku: “Mi katekile n'wina swisiwana, hikuva Mfumo wa Xikwembu wu le ka n'wina.

Luka 1:53

Lava nga ni ndlala, ú va phamerile leswo nandziha, va dya va xurha, kambe lavo fuma ú va tlherisile va nga ri na nchumu.

Pisalema 109:31

hikuva yi yima ni mupfumari ehubyeni, yi n'wi lwela eka lava va n'wi avanyisaka.

Pisalema 102:17

yi ta yingisa xikhongelo xa lava tshikeleriwaka, ku khongela ka vona a yi nga ku hunisi.

Pisalema 72:4

Mufumi wa tiko a a sirhelele swisiwana; a a pfune lava pfumalaka, kambe a herisa vaxanisi,

Pisalema 71:5

Ndzi tshemba wena, we N'wini wanga, ndzi ku tshembile ku sukela evuhlangini bya mina we HOSI.

Pisalema 9:12

Xikwembu a xi rivali vapfumari, ku rila ka vona xa ku twa, xi rihiseta lava va va dlayaka.

Pisalema 50:22

N'wina mi ndzi rivaleke, yingisani leswi! Handle ka swona, ndzi ta mi handzulela, ku ri hava ni loyi a nga mi lamulelaka.

Pisalema 139:19

We Xikwembu, vanhu lavo homboloka u ta va herisa rini ke? N'wina mi tsakelaka ku halata ngati, sukani mi ya kule na mina!