Pisalema 9:14 - BIBELE Mahungu Lamanene

¹⁴ leswaku ndzi ta tlhela ndzi yima etinyangweni ta Siyoni, ndzi byela vanhu hinkwaswo leswi ndzi ku dzuniselaka swona, ndzi tsaka hi leswi u ndzi poniseke.

Xitsonga (Bibele)

¹⁴ Leswaku ndzi twarisa tinsimu ta wena hinkwato, Etinyangweni ta wanhwanyana wa Siyoni, Kutani ndzi ta tsakela ku hlayiseka ka wena.

Pisalema 9:14 Referans Kwoze

Pisalema 13:5

Kambe mina ndzi tshembile tintswalo ta wena leto tshembeka, mbilu ya mina yi ta tsaka hikuva u ta ndzi ponisa.

Pisalema 106:2

Xana i mani la nga hlamuselaka mintirho ya yona leyikulu xana? La nga twarisaka ku dzuneka ka yona hinkwako, a nga va mani xana?

Pisalema 51:12

Tlhela u ndzi nyika ntsako, wena Muponisi wanga, ndzi seketele, u pfuxa moya wa malwandla eka mina.

Pisalema 35:9

Kutani ndzi ta tsaka hikwalaho ka HOSI, ndzi tsakisiwa hi ntirho wa yona wo ponisa.

Pisalema 20:5

Hi ta ba minkulungwana hi tlangela ku hlula ka wena, hi yimisa mijeko ya hina hi vito ra Xikwembu xa hina. HOSI Xikwembu a xi ku nyike hinkwaswo leswi u swi kombelaka!

Esaya 37:22

rito ra mina HOSI ehenhla ka Senakeribi, hi leri: “ ‘Muti wa Siyoni, nhwana loyi wo saseka, wa ku hleka ni ku ku monya, wena Senakeribi; va Yerusalema va sala va tshwutela marha, loko u hundzile.

Pisalema 21:1

Mufumi wa tiko ú tsakisiwa hi matimba ya wena we HOSI, ú tsake ngopfu, hikuva u n'wi pfunile ku hlula valala va yena.

1 SAMIELE 2:1

Kutani Hana a khongela a ku: “Mbilu ya mina yi kumile ku tsaka eka HOSI, matimba ya mina ma pfuxiwile hi Xikwembu xanga. Nomo wa mina wu sandza valala va mina, ndzi tsakile hikuva HOSI yi ndzi ponisile.

Luka 1:47

ni moya wa mina wu titsakela eka Xikwembu, Muponisi wanga,

Habakuku 3:18

mina ndza ha ta bela HOSI minkulungwana ya ntsako, ndzi tsakela Xikwembu lexi xi ndzi ponisaka.

Mikiya 4:13

HOSI Xikwembu xi ri: “N'wina vaaki va Siyoni, sukani mi yima, mi va ba ku fana ni loko mi hula mavele; ndzi ta mi nyika matimba, mi tiya wonge mo va nkuzi ya timhondzo ta nsimbhi ni swinyondzwana swa koporo; mi ta ba vanhu va matiko layo tala mi va phatlulela. Xuma lexi va nga tihlengeletela xona, ni rifuwo ra vona, mi ta swi teka mi swi nyiketa eka mina HOSI Xikwembu, N'wini wa misava hinkwayo.”

Esaya 62:11

HOSI Xikwembu xi tivisile misava hinkwayo, xi ku: “Byelani vaaki va Yerusalema leswaku muponisi wa vona wa ta; ú ta ni hakelo leyi a yi kumeke, va nga vanhu lava a va kutsuleke; ú va rhangise emahlweni.”

Esaya 12:3

Mi ta hamba mi ka mati mi tsakile, exihlobyeni lexi mi kumaka ku ponisiwa eka xona,

Pisalema 79:13

Kutani hina vanhu va wena, hi ntlhambi lowu u wu risaka; hi ta ku tlangela, hi twarisa ku dzuneka ka wena hilaha ku nga heriki.

Pisalema 51:15

We N'wini wanga, pfula nomo wa mina, ndzi ta ku dzunisa ha wona.

Pisalema 42:4

Loko ndzi ri karhi ndzi phofula swa moya wanga, ndzi tsundzuka swa khale, hilaha a ndzi longoloka hakona ni lavakulu, hi ya endlwini ya Xikwembu, hi ri karhi hi ba minkulungwana ya ntsako ni ku yimbelela tinsimu ta minkhenso hi ri emintshungwini leyi dyaka nkhuvo.

Pisalema 35:18

kutani ndzi ta ku tlangela emahlweni ka nhlengeletano leyikulu, ndzi ta ku dzunisa exikarhi ka mintshungu.

Pisalema 22:25

Hi wena u ndzi nyikaka matimba ya ku ku dzunisa exikarhi ka ntshungu lowukulu, emahlweni ka lava va ku chavaka, ndzi ta ku humesela magandzelo lawa ndzi nga tiboha ku ma humesa.

Pisalema 22:22

Ndzi ta tivisa vamakwerhu leswaku hi wena mani, ndzi ta ku dzunisa exikarhi ka ntshungu ndzi ku:

Eksoda 3:7

Kutani HOSI yi ku: “Ndzi vonile hilaha vanhu va mina lava nga tikweni ra Egipta va xanisiwaka hakona; ndzi twile ni swirilo swa vona hikwalaho ka vafambisi va mintirho, ndzi twisisa ku xaniseka loku va nga na kona.

Eksoda 3:9

Kutani sweswi, leswi ku rila ka vanhu va Israele ku fikeke etindleveni ta mina, ni leswi ndzi voneke hilaha vanhu va Egipta va va xanisaka hakona,

Pisalema 6:3

ni mbilu ya mina yi twa ku vava lokukulu. Xana swi ta hela rini we HOSI!

Pisalema 75:9

Loko ndzi ri mina, a ndzi nga tshiki ku twarisa Xikwembu xa Yakobo, ndzi ta xi dzunisa hi tinsimu.