Pisalema 9:10 - BIBELE Mahungu Lamanene

¹⁰ Vanhu lava tivaka vito ra wena, we HOSI, va titshembela wena, hikuva a wu fularheli lava fambaka va ku lava.

Xitsonga (Bibele)

¹⁰ Lava tivaka vito ra wena va titshembisa ha wena; Hikuva wena Yehovha, a ku tshiki lava ku lavaka.

Pisalema 9:10 Referans Kwoze

Pisalema 91:14

Xikwembu xi ri: “Leswi munhu loyi a ndzi tivaka ni ku ndzi namarhela, ndzi ta n'wi ponisa ndzi n'wi hlayisa.

Swivuriso 18:10

HOSI Xikwembu i khokholo lero tiya, leri munhu wo lulama a tsutsumaka a ya tumbela eka rona.

Yeremiya 29:13

Loko mi ndzi lava ni loko mi tinyiketa hi mbilu hinkwayo ku tiva ku rhandza ka mina, mi ta ndzi kuma, na mina ndzi ta tikomba eka n'wina; ndzi ta tlhela ndzi mi katekisa, ndzi mi hlengeleta mi huma ematikweni hinkwawo lawa ndzi mi hangalaseke eka wona; kutani mina HOSI ndzi ri, ndzi ta mi vuyisa exivandleni lexi mi nga susiwa eka xona, siku ndzi mi yiseke evukhumbini.’

Pisalema 5:11

Kambe hinkwavo lava tumbelaka eka wena va ta tsaka, va ba minkulungwana hilaha ku nga heriki; wena u ta va biyelela leswaku lava ku rhandzaka va kuma ntsako lowukulu eka wena.

2 Timotiya 1:12

Kutani ndzi xaniseka hi ndlela leyi hikwalaho ka swona; kambe a ndzi na tingana, hikuva ndzi tiva loyi ndzi pfumeleke eka yena, kutani ndzi tshemba swinene leswaku wa swi kota ku hlayisa leswi a swi vekeke emavokweni ya mina, ku fikela siku lerikulu.

1 Yohane 5:20

Naswona, ha swi tiva leswaku N'wana wa Xikwembu ú tile, ni leswaku ú hi nyikile ku twisisa, hi ta tiva yena loyi a nga wa ntiyiso; kutani hi hlangana ni Xikwembu lexi xa ntiyiso, loko hi hlangana ni N'wana wa xona Yesu Kriste. Hi xona hi xiviri xi nga Xikwembu xa ntiyiso, ni vutomi lebyi nga heriki.

Pisalema 57:1

We Xikwembu ndzi twele vusiwana, ndzi ri ndzi twele vusiwana, hikuva hi wena khokholo ranga; ndzi ta tumbela ehansi ka timpapa ta wena xidzedze lexi onhaka xi kondza xi hundza.

Pisalema 37:28

hikuva HOSI Xikwembu xi tsakela leswo lulama, lava va xi khongelaka, a xi nga va tshiki empfhukeni, xi ta va hlayisa hilaha ku nga heriki; kambe vana va lavo homboloka vona va ta heriseriwa makumu.

2 Vakorinto 4:6

Hikuva xona Xikwembu lexi nga te: “Ku vonakala a ku vangame emunyameni!” hi xona lexi nga vangamisa ku vonakala etimbilwini ta hina, hi ta tiva ku kwetsima ka xona loku vangamaka enghoheni ya Kriste.

1 TIKRONIKA 28:9

“Na wena Solomoni n'wananga, amukela Xikwembu xa vatata wa wena, u xi tirhela hi mbilu ya wena hinkwayo, ni moya lowunene, hikuva HOSI Xikwembu xi kambela timbilu hinkwato, xi hatla xi vona makungu ni miehleketo ya munhu. Xi ta tsakela ku kumiwa hi wena loko u xi lava, kambe loko u xi fularhela, xi ta ku cukumetela makumu.

Yohane 17:3

Kambe vutomi lebyi nga heriki, hi leswaku va ku tiva, wena ntsena u nga Xikwembu xa ntiyiso, na Yesu Kriste loyi u n'wi rhumeke.

Esaya 45:19

A ndzi vulavulanga exihundleni, kumbe exivandleni lexi nga ni xinyami; a ndzi byelanga va ka Yakobo, ndzi ku: ‘Ndzi laveni laha ku nga riki na nchumu.’ Mina HOSI ndzi vulavula ntiyiso, ndzi tivisa vanhu leswi nga swona.”

1 Yohane 2:3

Kutani mhaka leyi yi hi khorwisaka leswaku hi tiva Tatana, hiloko hi hlayisa milawu ya yena.

2 SAMIELE 22:3

We Xikwembu, wena ribye ranga leri ndzi chavelaka eka rona, u xitlhangu xa mina, wena la nga ni matimba ya ku ndzi ponisa. U khokholo ra mina ni vutumbelo bya mina, wena muponisi wanga, wena u ndzi ponisaka eka vanhu va tihanyi.

Pisalema 37:39

Vanhu vo lulama va ponisiwa hi HOSI Xikwembu, hi xona khokholo ra vona enkarhini wa khombo.

Esaya 25:4

We HOSI, u khokholo ra swisiwana, vapfumari va tumbela eka wena loko va ri khombyeni, u xisirhelelo xa vona esikwini ra xidzedze, esikwini ra mumu, u ndzhuti wa vona. Vukari bya vanhu va tihanyi byi fana ni xidzedze lexi baka khumbi,

Nahume 1:7

HOSI Xikwembu i Xikwembu lexinene, i khokholo hi siku ra khombo; xi hlayisa lava chavelaka eka xona.