Pisalema 89:19 - BIBELE Mahungu Lamanene

¹⁹ Siku rin'wana u vulavurile na hina malandza ya wena hi xivono, u ku: “Ndzi nyikile nhenha yin'wana entamu lowukulu; ndzi yi hlawurile exikarhi ka vanhu va tiko, ndzi yi tlakusa.

Xitsonga (Bibele)

¹⁹ Khale u vurile enorhweni eka Muhlawuriwa wa wena U ku: “Ndzi pfunile nhenha, Ndzi wundlile jaha exikarhi ka tiko.

Pisalema 89:19 Referans Kwoze

1 SAMIELE 16:18

Un'wana wa majaha a ku ka Sawulo: “Ndzi vonile n'wana Yese wa le Betlehema, la kotaka ku chaya haripa swinene. I jaha ra ntiya-nhlana, nhenha eku lweni, munhu la vulavulaka a nga tilumalumi, wa xiyimo xo saseka; naswona, HOSI Xikwembu xi na yena munhu loyi.”

1 TIHOSI 11:34

Hambiswiritano, sweswi a ndzi tekeli Solomoni emfumo hinkwawo. Ndzi ta n'wi tshika a fuma masiku hinkwawo ya ku hanya ka yena, hikwalaho ka nandza wa mina Davhida loyi ndzi n'wi hlawuleke, loyi a hlayiseke swileriso swa mina ni milawu ya mina.

Esaya 9:6

Hi velekeriwile n'wana, hi nyikiwile n'wana wa mufana, vuhosi i bya yena; vito ra yena i “Mutsundzuxi, munhu wo hlamarisa, Xikwembu xa matimba, Tatana la nga riki na ku hela, Hosi ya ku rhula”.

Pisalema 89:3

Wena u vurile u ku: “Ndzi endlile ntwanano ni muhlawuriwa wanga. Emahlweni ka Davhida nandza wa mina ndzi tibohile hi ku hlambanya ndzi ku:

Nhlavutelo 3:7

“Tsalela ni ntsumi ya kereke ya le Filadelfiya, u ku: “ ‘Loyi a kwetsimeke, la nga wa ntiyiso, la tameleke xilotlelo xa Davhida, la pfalulaka ku ri hava loyi a nga ta pfala, la pfalaka ku ri hava loyi a pfalulaka, ú vula sweswo ú ri:

2 Petro 3:2

A ndzi endlela ku mi tsundzuxa marito lama nga vuriwa khale hi vaprofeta lavo hlawuleka, ni milawu ya Hosi ni Muponisi, leyi teke hi milomo ya vaapostola va n'wina.

2 Petro 1:21

Hikuva ku hava rito ni rin'we ra vaprofeta leri teke hi ku titwa ka munhu, kambe vanhu lava susumetiweke hi Moya lowo Kwetsima, va vurile leswi humaka eka Xikwembu.

Luka 1:70

a xi vurile sweswo ni khale hi milomo ya vaprofeta va xona lavo hlawuleka;

Marka 1:24

wu ku: “Mhaka ya hina na wena hi yihi, we Yesu wa Nazareta? Xana u tele ku ta hi lovisa xana? Ndza ku tiva leswaku u mani, u lowo Hlawuleka wa Xikwembu.”

Yeremiya 30:21

Munhu loyi a nga ta va fuma, ú ta va un'wana wa va ka vona, hosi ya vona yi ta huma exikarhi ka vona; ndzi ta yi rhamba, yi tshinela kusuhi na mina, hikuva ehandle ka sweswo, mina HOSI ndzi ri, a ku na munhu loyi a nga ndzi tshinelelaka.

Pisalema 42:3

Mihloti i swakudya swa mina vusiku ni nhlekanhi, hikuva va tshamela ku ndzi vutisa va ku: “Xana Xikwembu xa wena xi kwihi ke?”

2 SAMIELE 17:10

Kutani hambi yi ri nhenha leyi fanaka ni nghala hi matimba, yi ta rhurhumela hi ku chava, hikuva Vaisraele hinkwavo va swi tiva leswaku tata wa wena i munhu wa matimba, ni leswaku masocha ya yena i tinhenha kukota yena.

1 SAMIELE 16:1

HOSI Xikwembu xi vutisa Samiele xi ku: “Xana u ta va ni xiviti xa ku rilela Sawulo ku fikela rini, leswi ndzi n'wi tshikeke leswaku a nga ha vi hosi ya Israele, xana? Chela mafurha erimhondzweni ra wena ri tala, u ya laha ndzi nga ta ku rhuma kona, eka Yese wa le Betlehema, hikuva ndzi tihlawulele hosi exikarhi ka majaha ya yena.”

Pisalema 3:4

Ndzi tlakusa rito ndzi huwelela eka HOSI, kutani yi ndzi hlamula yi ri entshaveni ya yona leyo hlawuleka.