Pisalema 87:6 - BIBELE Mahungu Lamanene

⁶ HOSI Xikwembu xi le ku longoloxeni ka mavito ya vanhu va matiko hinkwawo, kutani xi ri: “Na vona lava, emutini wa Siyoni hi le kaya ka vona!”

Xitsonga (Bibele)

⁶ Kutakuloko Yehovha a hlaya matiko, U ta tsala, a ku: “Va velekiwe kona.”

Pisalema 87:6 Referans Kwoze

Esaya 4:3

Hinkwavo lava va nga ta va va ha hanya emutini wa Siyoni, lava nga ta va va ha kumeka eYerusalema, va ta vuriwa lava hlawulekeke, hikuva mavito ya vona ma ta va ma tsariwile eYerusalema, leswaku va hanya.

Luka 10:20

Hambiswiritano, mi nga tsaki hi leswi mimoya yi mi yingisaka; kambe tsakani hi leswi mavito ya n'wina ma tsariweke etilweni.”

Nhlavutelo 20:15

Loko vito ra munhu ri nga kumiwi ri tsariwile ebukwini ya vutomi, munhu yoloyi a hoxiwa etiveni ra ndzilo.

Vafilipiya 4:3

Ndza ku kombela na wena mutirhi-kulorhi la tshembekaka: Pfuna vamanana lava; va ndzi seketerile swinene entirhweni wa Evhangeli, va ri na Klemento, ni vatirhi-kulorhi lavan'wana, lava mavito ya vona ma tsariweke ebukwini ya vutomi.

Ezekiele 13:9

“Ndzi ta komba matimba ya mina hi ku ba vaprofeta lava vo vona swivono swa hava ni ku vhumbha mavunwa. A va nga ngheni entlaweni wa vanhu va mina, kumbe ku tsariwa etibukwini ta Vaisraele, naswona a va nga tlheleli etikweni ra Israele; kutani hi kona va nga ta tiva leswaku HOSI Xikwembu hi mina.

Pisalema 69:28

Sula mavito ya vona ebukwini ya vutomi, ma nga ha tsariwi swin'we ni mavito ya lavo lulama.

Nhlavutelo 13:8

Kutani vaaki hinkwavo va laha misaveni va ta xi gandzela; hileswaku un'wana ni un'wana loyi vito ra yena ri nga tsariwangiki khale, hi mpfhuka misava yi tumbuluka, ebukwini ya vutomi ya Xinyimpfana lexi dlayiweke, ú ta gandzela xivandzana.

Yeremiya 3:19

HOSI Xikwembu xi ri: “A ndzi ri ni makungu ya ku ku tlakusa exikarhi ka vana va mina va xinuna, ndzi ku nyika tiko ro tsakisa ri va ra wena, tiko ro saseka ku tlula matiko man'wana hinkwawo. A ndzi anakanya leswaku u ta ndzi vula tata wa wena, u nga ha ndzi landzuli.

Pisalema 22:30

Vatukulu va vona va ta n'wi tirhela; vanhu va minkarhi leyi taka, va ta byeriwa ta yena,

Ezekiele 9:4

HOSI Xikwembu xi ku ka yena: “Emutini wa Yerusalema, ku ni vanhu lava twaka ku vava, lava rilaka loko va vona manyala hinkwawo lama endliwaka emutini; kutani wena, rhendzeleka ni muti, u va fungha emimombyeni.”