Pisalema 86:9 - BIBELE Mahungu Lamanene

⁹ Vanhu hinkwavo lava u va vumbeke, va ta ku nkhinsamela we HOSI, va dzunisa vito ra wena.

Xitsonga (Bibele)

⁹ Matiko hinkwawo lawa u ma endleke ma ta ta, Ma ta ku khinsamela, wena Yehovha, Ma ta twarisa vito ra wena.

Pisalema 86:9 Referans Kwoze

Nhlavutelo 15:4

I mani la nga ta ka a nga ku chavi, we Hosi, i mani la nga ta ala ku twarisa vito ra wena ke? Hi wena ntsena loyi a kwetsimeke, kutani vamatiko hinkwavo va ta ta va ta nkhinsama emahlweni ka wena, hikuva mintirho ya wena leyo lulama yi le rivaleni!”

Esaya 66:23

N'hweti yin'wana ni yin'wana, vanhu hinkwavo va ta ndzi khongela loko n'weti wu tshama, naswona va ta ndzi khongela siku rin'wana ni rin'wana ra Savata. Ndzi vula sweswo mina HOSI.

Pisalema 66:4

Vanhu hinkwavo va misava va khongela wena; va yimbelela va ku dzunisa, va twarisa vito ra wena.”

Nhlavutelo 11:15

Hiloko ntsumi ya vu-7 yi chaya nanga ya yona, kutani ku twakala ni marito lama huwelelaka hi le tilweni ma ku: “Matimba ya ku fuma misava, sweswi ma nyikiwile Hosi ya hina ni Mesiya wa yona, kutani ú ta fuma hilaha ku nga heriki.”

Pisalema 102:15

Vanhu va matiko hinkwawo va ta chava vito ra HOSI, tihosi hinkwato ta misava ti ta xixima ku dzuneka ka yona,

Esaya 43:7

hikuva hinkwavo i va mina, ndzi va tumbuluxele ku ndzi dzunisa, hi mina ndzi nga muvumbi ni muendli wa vona.’ ”

Varhoma 15:9

ni leswaku vamatiko va ta kota ku dzunisa Xikwembu hikwalaho ka tintswalo ta xona, hilaha swi tsariweke hakona va ku: “Hikokwalaho, ndzi ta ku dzunisa exikarhi ka vamatiko, ndzi ta yimbelela ndzi twarisa vito ra wena.”

Varhoma 11:25

Kutani vamakwerhu, ku endlela leswaku mi nga ti tshuka mi titiva ngopfu, ndzi lava leswaku mi tiva xihundla lexi: Hileswaku, hi tlhelo rin'wana, Vaisraele va nonon'hwisiwile, vamatiko va kondza va nghena eka Xikwembu hi ntalo.

Zakariya 14:9

HOSI Xikwembu xi ta fuma misava hinkwayo, xi ta va Xikwembu xi ri xoxe; hi siku rero, ku ta gandzeriwa xona ntsena.

Esaya 59:19

Ku suka evupeladyambu ku ya fika evuxeni, vito ra HOSI Xikwembu ni ku dzuneka ka xona swi ta xiximiwa; xi ta ta hi rivilo ku fana ni xinambyana lexi hobomulanaka, lexi mati ya kona ma susumetiwaka hi moya wa HOSI Xikwembu.

Esaya 11:9

Hinkwako entshaveni leyo hlawuleka ya HOSI Xikwembu, a ku nga vi na ku vavisana kumbe ku dlayana, hikuva vanhu lava tivaka HOSI Xikwembu va ta va va tatile tiko, ku fana ni mati lama funengetaka hinkwako elwandle.

Pisalema 102:18

Mhaka leyi, a yi tsaleriwe vanhu lava va ha taka, leswaku loko va ta va va tumbulukile, va ta tiva ku dzunisa HOSI Xikwembu:

Pisalema 72:19

Minkarhi hinkwayo a ku tlangeriwe vito ra xona lero hlawuleka, ku dzuneka ka xona a ku tate misava hinkwayo. Amen! Amen!

Pisalema 67:7

Hakunene Xikwembu xi hi katekisile; hinkwako emisaveni, vanhu a va chave xona!

Nhlavutelo 20:3

Yi n'wi hoxa ekheleni, yi pfala, yi n'wi lemela ndzeni leswaku a nga ha yi emahlweni ku xisa vanhu va matiko, ku fikela loko malembe ya 1 000 ma ta va ma hundzile. Endzhaku ka swona, ú ta fanela ku ntshunxiwa nkarhinyana.

1 Petro 2:9

Kambe n'wina, mi rixaka leri hlawuriweke, mi vaprista va Hosi, mi tiko leri hlawulekeke, vanhu lava nga va Xikwembu hi xiviri, leswaku mi ta kota ku twarisa mintirho leyo saseka ya loyi a mi vitaneke ku huma emunyameni, mi ta nghena eku vonakaleni ka yena loku hlamarisaka.

Vaefesa 1:12

ku endlela leswaku hina hi nga lavo sungula ku va ni ku tshemba eka Kriste, hi dzunisa ku twala ka xona Xikwembu.

Pisalema 72:8

Mfumo wa yena a wu nave ku sukela eka lwandle rin'wana, wu ya fika eka lerin'wana; a wu sukele enambyeni wa Yufrata, wu ya fika evugimamusi.

2 TIKRONIKA 6:33

n'wi yingise we HOSI, u ri evutshan'wini bya wena ematilweni, u n'wi endlela hinkwaswo leswi swi n'wi susumeteke ku kombela eka wena. Hi ndlela leyi, vanhu hinkwavo va misava va ta tiva vito ra wena va ku chava, tanihi leswi Vaisraele vanhu va wena va ku chavaka; naswona vamatiko va ta tiva leswaku yindlu leyi ndzi yi akeke, i Tempele ya wena hakunene.

Sofoniya 3:9

“Enkarhini wolowo, ndzi ta tlhela ndzi nyika vamatiko milomo leyi tengeke, leswaku hinkwavo va khongela mina HOSI, va ndzi tirhela hi ku twanana;

Malakiya 1:11

“Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.