Pisalema 86:7 - BIBELE Mahungu Lamanene

⁷ Siku leri ndzi welaka ekhombyeni, ndzi huwelela eka wena, hikuva u hlamula swikhongelo swa mina.

Xitsonga (Bibele)

⁷ Ndza ku khongela hi siku ra mina, Hikuva wa ndzi yingisa.

Pisalema 86:7 Referans Kwoze

Yonasi 2:2

“Ekhombyeni ra mina, ndzi ku vitanile we HOSI, kutani u ndzi hlamurile; ndzi komberile ku pfuniwa ndzi ri exivandleni xa vafi, kutani wena u yingisile ku rila ka mina.

Pisalema 50:15

Hi siku ra khombo, ndzi vitaneni, ndzi ta mi lamulela, kutani mi ta dzunisa vito ra mina.”

Pisalema 17:6

Ndzi huwelela eka wena, hikuva u ta ndzi hlamula, we Xikwembu. Tshineta ndleve ya wena eka mina, u yingisa leswi ndzi swi vulaka.

Vaheveru 5:7

Emasikwini ya yena ya ku hanya la misaveni, Yesu ú khongerile ni ku kombela hi ku titsongahata, a huwelela hi matimba ni ku rila hi mihloti, eka Xikwembu lexi a xi ri ni matimba ya ku n'wi ponisa eku feni, kutani ú yingisiwile hikwalaho ka xichavo xa yena.

Esaya 26:16

We HOSI, Vaisraele va ku tsundzukile loko va ri eku vavisekeni; loko u va tshinya, va tile va ta rila ka wena.

Pisalema 142:1

Ndzi tlakusa rito ndzi huwelela eka HOSI Xikwembu, ndzi kombela hi matimba leswaku xi ndzi pfuna.

Pisalema 91:15

Loko a ndzi vitana, ndzi ta n'wi hlamula, ndzi ta va na yena emaxangwini, ndzi n'wi lamulela ndzi n'wi nyika ni ndzhuti.

Pisalema 142:3

Loko ndzi hela matimba, we Xikwembu u tiva leswi swi ndzi humelelaka. Lomu ndzi yaka kona, va ringeta ku ndzi phasa hi ntlhamu.

Pisalema 18:6

Emaxangwini ya mina, ndzi vitanile HOSI, ndzi huwelela eka Xikwembu xanga; kutani xi twile rito ra mina xi ri eTempeleni ya xona; loko ndzi rila eka xona, xi ndzi twile.

Luka 22:44

Kakuloko a ri emaxangwini lamakulu, a khongela hi matimba ngopfu, nyuku wa yena wu ko wu xiririka, wu fana ni mathonsi ya ngati lama tshonelaka emisaveni.]