Pisalema 86:4 - BIBELE Mahungu Lamanene

⁴ We N'wini wanga, ndzi tsakise, hikuva ndzi nandza wa wena, ndzi tlakusa mahlo ndzi languta eka wena.

Xitsonga (Bibele)

⁴ U tsakisa moya wa nandza wa wena, Hikuva ndzi tlakusela moya wa mina eka wena, Yehovha.

Pisalema 86:4 Referans Kwoze

Pisalema 143:8

Ndzi tsundzuxe rirhandzu ra wena mixo wun'wana ni wun'wana, hikuva eka wena ndzi hlayisekile. Ndzi kombe ndlela leyi ndzi fanelaka ku famba ha yona, hikuva ndzi tinyiketile eka wena.

Pisalema 25:1

We HOSI, ndzi tlakusa mahlo ndzi languta eka wena,

Pisalema 51:12

Tlhela u ndzi nyika ntsako, wena Muponisi wanga, ndzi seketele, u pfuxa moya wa malwandla eka mina.

Esaya 61:3

Xi ndzi rhumile ku ya miyeta lava rilaka eSiyoni, ndzi va nyika harhi ya swiluva ematshan'wini ya nkuma, ni mafurha ya ntsako leswaku va nga ha rili, ndzi va ambexa ku dzuneka ematshan'wini ya moya lowu tsaneke. Kutani va ta vuriwa “Minkuhlu-ya-ku-lulama”, leyi byariweke hi HOSI Xikwembu leswaku xi ta dzunisiwa.

Pisalema 62:8

N'wina vanhu, tshembani Xikwembu minkarhi hinkwayo, xi tiviseni leswi nga timbilwini ta n'wina, hikuva hi xona ribye ra vutumbelo bya hina.

Esaya 65:18

Tsakani mi tiphina hilaha ku nga heriki, hikwalaho ka leswi ndzi swi tumbuluxaka: Vonani, muti wa Yerusalema, ndzi ta wu endla wu va lowu tsakisaka vanhu, ni vaaki va wona va ta tshama va tsakile.