Pisalema 85:8 - BIBELE Mahungu Lamanene

⁸ Ndzi navela ku yingisa leswi HOSI Xikwembu xi swi vulaka; marito ya xona ma tisa ku rhula eka vanhu va xona lava va xi khongelaka. Ntsena va nga ha tlheleli eswidyohweni swa vona!

Xitsonga (Bibele)

⁸ Ndzi ta yingisa leswi vuriwaka hi Yehovha Xikwembu; Hikuva u vula ku rhula ka tiko ra yena, ni ka vahlawuriwa va yena; Kambe va nga tshuki va ha vuyela eku hungukeni ka vona.

Pisalema 85:8 Referans Kwoze

Pisalema 29:11

A xi tiyise vanhu va xona, xi va nyika minkateko ni ku rhula.

Nhlavutelo 3:19

Ndzi tshinya ni ku laya lava ndzi va rhandzaka; hikokwalaho, tikarhate u hundzuka!

Zakariya 9:10

Xikwembu xi ri: “Ndzi ta hangalasa makalichi ya nyimpi ma suka etikweni ra Efrayimi, ni tihanci ta nyimpi ndzi ta ti susa eYerusalema; mavurha ya masocha ma ta tshoviwa, hikuva loyi a taka, ú ta twarisa ku rhula ematikweni. Mfumo wa yena wu ta nava ku suka eka lwandle rin'wana, ku ya fika eka lerin'wana; wu ta sukela enambyeni wa Yufrata, wu ya fika endzilekaneni wa tiko ra Egipta.”

2 Timotiya 2:19

Hambiswiritano, masungulo layo tiya lama vekiweke hi Xikwembu a ma tsekatseki; ma tiyisiwa hi rito leri nge: “Hosi yi tiva lava nga va yona.” Naswona: “Un'wana ni un'wana loyi a vulaka vito ra Hosi, a a tshike leswo homboloka.”

Habakuku 2:1

Ndzi ta khandziya exihondzweni ndzi lavelela, ndzi ta yima ehenhla ka khokholo ra valanguteri. Ndzi ta langutela ku vona leswi HOSI yi nga ta ndzi byela swona, ni leswi ndzi nga ta hlamula swona, loko yi vulavula na mina.

Yohane 14:27

“Ndzi mi siyela ku rhula, ndzi mi nyika ku rhula ka mina. A ndzi mi nyiki hilaha misava yi nyikaka hakona. Timbilu ta n'wina ti nga karhateki, ti nga khomiwi hi ku chava.

Pisalema 130:4

Kambe hi wena la hi rivalelaka, we HOSI. Hikokwalaho vanhu a va ku kombe xichavo.

Genesa 34:7

Vana va Yakobo va xinuna va lo na twa mhaka leyi, va vuya hi le nhoveni va nyangatsekile va tlhela va hlundzuka swinene, hikuva Xikeme a a nghenisile mhaka ya vuphukuphuku exikarhi ka Vaisraele hi ku etlela na n'wana Yakobo. Mhaka yo tano, a yi yila.

Vaheveru 12:25

Tivoneleni leswaku mi nga aleli loyi a vulavulaka. Lava aleke ku yingisa mutsundzuxi wa vona laha misaveni, a va ponanga. Hikokwalaho, xana hina hi nga ponisa ku yini, loko hi ala ku yingisa loyi a hi tsundzuxaka a ri ematilweni xana?

2 Vatesalonika 3:16

Sweswi ke, Hosi ya ku rhula, hi xiviri xa yona, a yi mi nyike ku rhula minkarhi hinkwayo ne matlhelweni hinkwawo. Hosi a yi ve na n'wina hinkwenu!

Vaefesa 2:17

Ú tile a ta twarisa Mahungu Lamanene ya ku rhula eka n'wina vamatiko lava a mi ri kule na Xikwembu, ni ka Vayuda lava a va ri kusuhi na xona.

Vagalatiya 4:9

Kambe leswi namuntlha mi tivaka Xikwembu (kumbe ndzi nga ku, leswi namuntlha Xikwembu xi mi tivaka), xana swi endlisa ku yini leswaku mi tlhelela eka mimoya leyi nga nyawuliki, leyi tsaneke ya misava leyi xana? Hikwalaho ka yini mi lava ku tlhela mi hundzuka mahlonga ya yona ke?

Timhaka 10:36

Rito leri xi ri rhumeleke Vaisraele, ma ri tiva, ri nga rito leri twarisaka mahungu lamanene ya ku rhula ha Yesu Kriste, yena Hosi ya vanhu hinkwavo.

Timhaka 3:26

Loko Xikwembu xi rhumerile nandza wa xona, xi n'wi humesile hi le ka n'wina eku sunguleni leswaku a mi katekisa hi ku hundzuluxa un'wana ni un'wana wa n'wina emikhuveni ya yena leyo biha.”

Yohane 20:26

Loko ku hundzile masiku ya 8, vadyondzisiwa va tlhela va va kona endlwini. Tomasi na yena a a ri na vona. Yesu a ta, tinyangwa ti pfariwile, a yima exikarhi ka vona, a ku: “Ku rhula a ku ve na n'wina!”

Yohane 20:19

Madyambu ya siku rero ra Sonto, tinyangwa ta laha vadyondzisiwa va hlengeletaneke kona a ti pfariwile, hikwalaho ka ku chava Vayuda. Yesu a fika, a yima exikarhi ka vona, kutani a ku ka vona: “Ku rhula a ku ve na n'wina!”

Yohane 8:11

A ku: “Na un'we a nga kona, Hosi.” Yesu a ku ka yena: “Na mina a ndzi ku avanyisi; famba, kutani u nga ha tlheli u dyoha.”]

Yohane 5:14

Endzhaku ka sweswo Yesu a ya n'wi kuma eTempeleni, kutani a ku ka yena: “Vona, u hanyisiwile. Loko u nga lavi ku weriwa hi khombo lerikulu leri tlulaka lero rhanga, tshika ku dyoha.”

Hagayi 2:9

Ku dzuneka ka yindlu leya sweswi ku ta tlula ku dzuneka ka leyo sungula, ku vula mina HOSI ya matimba hinkwawo. Emutini lowu, ndzi ta simeka ku rhula loku hetisekeke evanhwini; ndzi vula sweswo, mina HOSI ya matimba hinkwawo.”

Esaya 57:19

Hinkwavo lava nga kona etikweni, ni lava nga matikweni ya le kule, ndzi ta va nyika ku rhula ka mina HOSI; vanhu va mina, ndzi ta va hanyisa.

Swivuriso 25:11

Marito lama vulavuriwaka enkarhini lowu faneleke, ma fana ni maapula ya nsuku exibyeni xa silivhere.

Pisalema 50:5

xi ri: “Ndzi hlengeleteleni lava va ndzi tshembaka, lava tiyiseke ntwanano wa mina na vona hi ku ndzi humesela magandzelo.”

Swivuriso 27:22

Xiphukuphuku, hambi u nga xi kandza ni mavele etshurini, a xi nga pfuki xi hambane ni vuphukuphuku bya xona.

1 SAMIELE 25:25

Wena n'wini wanga, u nga tshuki u karhateka hi mhaka ya wanuna loyi wo biha, ndzi vula Nabala, hikuva hilaha vito ra yena ri vulaka hakona, i phuphula hakunene! Vuphuphula, ú lo pyì hi byona! Loko ndzi ri mina nandza wa wena, a ndzi kalanga ndzi ma vona majaha lawa u ma rhumeke, wena n'wini wanga!