Pisalema 85:11 - BIBELE Mahungu Lamanene

¹¹ Ku tshembeka ku hluka ku huma emisaveni, loko ku lulama ku ri karhi ku rhelela hi le tilweni.

Xitsonga (Bibele)

¹¹ Ku tshembeka ku ta mila emisaveni, Ku lulama ka le henhla etilweni ku ta languta ehansi.

Pisalema 85:11 Referans Kwoze

Yohane 14:6

Yesu a ku ka yena: “Hi mina ndlela, ni ntiyiso, ni vutomi; a ku na munhu loyi a taka eka Tatana, loko ku nga ri ha mina.

Esaya 45:8

“N'wina matilo, nisani mberha ya leswo lulama, mapapa a ma swi chululele ehansi. Wena misava, pfuleka leswaku ku ta huma leswi ponisaka, ni leswo lulama swi ta mila eka wena; swilo leswi swi endliwile hi mina HOSI.”

Vaefesa 1:6

ku endlela leswaku hi xi dzunisa hi mhaka ya tintswalo ta xona leto saseka ngopfu, leti xi hi nyikeke tona eka N'wana wa xona la rhandzekaka.

Luka 2:14

“Ku dzuneka a ku ve eka Xikwembu ematilweni ya le henhla-henhla, ku rhula a ku ve emisaveni eka vanhu lava xi va tsakelaka.”

Matewu 17:5

A ku a ha vulavula, papa lero vangama ri humelela, ri va funengeta; kutani ku twala rito leri humaka epapeni, ri ku: “Loyi i N'wananga la rhandzekaka, loyi ndzi n'wi tsakelaka, n'wi yingiseni!”

Matewu 3:17

Kutani ku twakala rito leri humaka etilweni, ri ku: “Loyi i N'wananga la rhandzekaka, loyi ndzi n'wi tsakelaka.”

Esaya 53:2

Nandza wa HOSI Xikwembu ú kurile emahlweni ka xona tanihi ximilana, a kota rimitsu ra murhi wa le misaveni leyi omeke; xivumbeko xa yena a xi nga hi tsakisi, a xi nga hi koki mahlo, naswona a hi nga n'wi naveli, hikuva a a nga sasekanga.

Esaya 42:21

HOSI Xikwembu xi kombisile vukulu ni ku dzuneka ka Nawu wa xona, xi swi endlile hi ku tsaka, hikuva i Xikwembu lexi lulameke.

Esaya 4:2

Ri ta ta siku leri ximila xa HOSI xi nga ta hluka, xi saseka ni ku dzuneka; Vaisraele lava nga ta va va ponile, va ta tinyungubyisa, va tidzunisa hi leswi swi mileke etikweni.

2 Vakorinto 5:21

“Vuyelelanani na Xikwembu!” Kriste a a nga ri na xidyoho; hambiswiritano, Xikwembu xi n'wi endlile leswaku a va xo xidyoho hikwalaho ka hina, leswaku hikwalaho ka yena, hi endliwa lava lulameke emahlweni ka Xikwembu.

Pisalema 72:3

Tintshava ni switsunga a swi humesele vanhu endzalo, hikuva ku ni ku lulama etikweni.