Pisalema 84:2 - BIBELE Mahungu Lamanene

² ndzi navela hi mbilu ya mina hinkwayo ku fika exivaveni xa yindlu ya wena. Hi miri ni moya, ndzi huwelela hi ku tsaka eka wena Xikwembu lexi hanyaka.

Xitsonga (Bibele)

² Moya wa mina wu hisekela ni ku navela rikupakupa ra yindlu ya Yehovha, Mbilu ni nyama ya mina swi huwelela eka Xikwembu lexi hanyaka.

Pisalema 84:2 Referans Kwoze

Esaya 26:9

Moya wanga wu lava wena, hambi byi ri vusiku, exihundleni xa mbilu yanga, ndzi navela wena; loko u ba vanhu lava nga misaveni, va dyondza ku endla leswi lulameke.

Pisalema 119:81

Ndzi navela ngopfu ku ponisiwa hi wena, hikuva ndzi tshemba leswi u swi vulaka.

Pisalema 143:6

Ndza ku khongela ndzi tlakusile mavoko, ndzi langutela ku pfuniwa hi wena ku fana ni misava leyi omeke leyi langutelaka mpfula.

Pisalema 73:26

Emirini ni le moyeni ndzi nga hela matimba, kambe Xikwembu hi xona xi ndzi tiyisaka xi ndzi katekisa.

Pisalema 119:20

Minkarhi hinkwayo ndzi navela ngopfu ku tiva leswi u swi boheke.

Risimu ra Tinsimu 5:8

N'wina vanhwanyana va Yerusalema, ndza mi kombela, loko mi kuma murhandziwa wanga, n'wi byeleni leswaku rirhandzu ra mina eka yena, ra ndzi vabyisa.

Ntirho 23:3

Loko a ndzo tiva laha Xikwembu xi tshamaka kona, a ndzi ta xi landza kona.

Esaya 64:1

“Hikwalaho ka yini u nga handzuli mapapa, u rhelela emisaveni xana? Tintshava a ti ta ninginika loko ti ku vona.

Tinhlayo 24:5

N'we va ka Yakobo, mixaxa ya n'wina yi saseke ngopfu, ni laha mi goveke kona, n'we Vaisraele, a hi ku tsakisa ka kona!