Pisalema 84:12 - BIBELE Mahungu Lamanene

¹² We HOSI ya matimba hinkwawo, ku katekile munhu loyi a ku tshembaka.

Xitsonga (Bibele)

¹² Oho Yehovha wa tinyimpi, ku katekile la ku tshembaka!

Pisalema 84:12 Referans Kwoze

Pisalema 62:8

N'wina vanhu, tshembani Xikwembu minkarhi hinkwayo, xi tiviseni leswi nga timbilwini ta n'wina, hikuva hi xona ribye ra vutumbelo bya hina.

Esaya 30:18

Hambiswiritano, HOSI Xikwembu xa ha mi languterile, xi lava ku mi komba tintswalo, xi tsakela ngopfu ku mi twela vusiwana, hikuva hi xona Xikwembu lexi endlaka leswo lulama; hinkwavo lava va xi tshembaka, va ta kuma minkateko.

Esaya 50:10

Hinkwenu n'wina lava chavaka HOSI Xikwembu, lava yingisaka swileriso swa mina nandza wa xona hambiloko mi famba lomu ko chavisa, laha ku nga ni makhombo, tiyiselani eka HOSI Xikwembu xa n'wina, mi tshemba xona ntsena.

Pisalema 2:12

Nkhinsamani emilengeni ya xona, xi ta ka xi nga karihi, na n'wina mi ta ka mi nga lovi ma ha ri endleleni, hikuva vukari bya xona byi hatla ku pfurha. Va katekile hinkwavo lava tumbelaka eka xona.

Pisalema 34:8

Tanani mi ta vona hi n'wexe leswaku HOSI Xikwembu xi ni vunene! Munhu loyi a tumbelaka eka xona, ú katekile ngopfu.

Pisalema 3:4

Ndzi tlakusa rito ndzi huwelela eka HOSI, kutani yi ndzi hlamula yi ri entshaveni ya yona leyo hlawuleka.

Pisalema 125:4

We HOSI, katekisa vanhu lavo lulama, lava navelaka hi mbilu hinkwayo ku endla leswinene.

Esaya 60:19

“Ninhlekanhi a wu nga ha voningeriwi hi dyambu, na wona n'weti a wu nga ha ku voningeli, hikuva mina HOSI Xikwembu xa wena, ndzi ta va ku vonakala ka wena, hilaha ku nga heriki, hi mina ndzi nga ta va ku dzuneka ka wena.