Pisalema 84:11 - BIBELE Mahungu Lamanene

¹¹ HOSI Xikwembu i khokholo ni xitlhangu, xi avela vanhu tintswalo ni ku dzuneka; lava hanyaka hi ndlela leyi nkhensekaka, HOSI Xikwembu xi va nyika minkateko.

Xitsonga (Bibele)

¹¹ Hikuva Yehovha Xikwembu i dyambu ni xitlhangu, Yehovha u nyika tintswalo ni ku kwetsima, A nga aleri nchumu eka lava fambaka eku lulameni.

Pisalema 84:11 Referans Kwoze

Swivuriso 2:7

lava lulameke, xi va hlayisela minkateko, HOSI Xikwembu i xitlhangu xa lava tshembekeke,

Matewu 6:33

Rhangani mi tilavela Mfumo wa yena ni ku lulama ka yena, kutani sweswo hinkwaswo mi ta engeteleriwa swona.

Vafilipiya 4:19

Kutani Xikwembu xa mina xi ta mi nyika hi ntalo hinkwaswo leswi mi swi pfumalaka, hi ku ya hi rifuwo ra xona ni ku dzuneka ka xona eka Kriste Yesu.

Pisalema 85:12

HOSI Xikwembu hi xiviri xa xona xi nyika leswinene, kutani misava yi hi humesela mihandzu.

Swivuriso 10:9

Ku hanya eku tshembekeni i ku hanya eku hlayisekeni, kambe loyi tindlela ta yena ti gombonyokeke, ú ta kumiwa.

Nhlavutelo 21:23

Muti a wu lavi dyambu kumbe n'weti ku wu voninga, hikuva wu voningiwa hi ku kwetsima ka Xikwembu, kutani Xinyimpfana i rivoni ra wona.

Yohane 8:12

Kutani Yesu a engeta a vulavula na vona, a ku: “Hi mina ku vonakala ka misava; loyi a ndzi landzelelaka a nga ka a nga fambi emunyameni ni siku ni rin'we, kambe ú ta va ni ku vonakala ka vutomi.”

Pisalema 3:3

Kambe we HOSI, u xitlhangu xa mina matlhelo hinkwawo, ndzi tidzunisa hi wena, hi wena u ndzi nyikaka xiyimo.

Genesa 15:1

Endzhaku ka timhaka leti, HOSI Xikwembu xi tikomba eka Abrama hi ku vulavula na yena, xi ku: “Abrama, u nga chavi, hikuva hi mina xitlhangu xa wena; u ta va ni minkateko leyo tala!”

Malakiya 4:2

Kambe n'wina lava chavaka vito ra mina, ndzi ta mi komba ntamu wa mina wa ku ponisa; Wu ta fana ni dyambu leri miseve ya rona yi horisaka mavabyi. Mi ta ntshunxiwa mi tlalamba kukota marhole loko ma huma etshangeni.

Swivuriso 28:18

Munhu loyi a tshembekeke endleleni ya yena, ú ta hlayiseka, kasi loyi a lavaka ku famba hi tindlela timbirhi hi nkarhi wun'we, ú ta hatla a wa.

Pisalema 27:1

Rivoni ra mina ni muponisi wa mina i HOSI Xikwembu, xana i mani la nga ndzi chavisaka xana? HOSI Xikwembu i khokholo ra vutomi bya mina, xana i mani loyi ndzi nga n'wi chavaka xana?

Vafilipiya 1:6

Ndzi ni ku tshemba swinene leswaku Xikwembu lexi sunguleke ntirho lowo saseka lowu exikarhi ka n'wina, xi ta wu yisa emahlweni ku fikela makumu ka wona, hi siku ra Kriste Yesu.

Pisalema 15:2

I munhu wa mahanyelo layo tenga loyi a endlaka leswi lulameke, la vulaka leswi tiyeke hilaha swi nga hakona embilwini ya yena.

Yohane 1:16

Hikwalaho ka ntalo wa rifuwo ra yena, hi kumile hinkwerhu nyiko ya tintswalo hi ku khandzakanya,

2 Vakorinto 4:17

Hikuva maxangu lawa ya nga riki na ku tika ngopfu, lawa ya nga ya nkarhinyana ntsena, ma hi tisela ku kwetsima loku nga ni ntikelo swinene, loku nga heriki, loku tlulaka ngopfu mpimo hinkwawo.

Pisalema 119:114

Wena HOSI, u xisirhelelo ni xitlhangu xanga, ndzi tshemba rito ra wena.

Swivuriso 28:6

Xisiwana lexi hanyaka hi ku tshembeka, xi tlula n'wankumi loyi a nga ni mikhuva yo biha.

Mikiya 2:7

Xana va ka Yakobo va rhuketeriwile hi Xikwembu xana? HOSI Xikwembu xa hela mbilu ke? Xi tirhisa sweswo ke? Xana marito ya xona a hi lawa ya pfunaka, loko munhu a hanya hi ndlela yo lulama xana?”

Vagalatiya 2:14

Kambe loko ndzi vonile leswaku leswi a va swi endla a swi nga fambelani ni ntiyiso wa Evhangeli, ndzi byerile Petro emahlweni ka vona hinkwavo, ndzi ku: “U Muyuda wena hi ku velekiwa, kambe u hanya hi mukhuva wa vamatiko, ku nga ri wa Vayuda; hikwalaho ka yini u sindzisa vamatiko ku hanya hi mukhuva wa Vayuda ke?”

Pisalema 84:9

Languta ni xitlhangu xa hina yi nga hosi ya tiko, wena Xikwembu, u yi amukela hi tintswalo, yona muhlawuriwa wa wena.

2 Vakorinto 3:18

Hina hinkwerhu lava kombaka ku vangama ka Hosi ku fana ni xivoni, hi mimombo leyi fununguriweke, hi hundzukile lava fanaka na yena, hi ku vangama loku ngangamukaka ku ya emahlweni. Hosi yi endlile sweswo, yona yi nga Moya.

Yohane 1:9

Ku vonakala ka xiviri loku voningaka munhu un'wana ni un'wana, a ku ri endleleni ku ta emisaveni.

Pisalema 47:9

Tindhuna ta vamatiko ti ta endhawini yin'we, kutani ti hundzuka vanhu va Xikwembu xa Abrahama, hikuva vafumi va laha misaveni va le hansi ka xona. Xikwembu i xikulu ku tlula swilo hinkwaswo.

Duteronoma 18:2

A va nga vi na ndzhaka exikarhi ka vamakwavo; HOSI Xikwembu hi yona ndzhaka ya vona, hilaha xi va tshembiseke hakona.