Pisalema 84:1 - BIBELE Mahungu Lamanene

¹ We HOSI ya matimba hinkwawo, swi tsakisa ngopfu ku va eTempeleni ya wena;

Xitsonga (Bibele)

¹ A hi ku nandziha ku tshama endlwini ya wena, Yehovha wa tinyimpi!

Pisalema 84:1 Referans Kwoze

Pisalema 27:4

Ndzi komberile xilo xin'we eka HOSI; xilo xa kona ndzi xi tsakela ngopfu, ku nga ku tshama eTempeleni ya HOSI vutomi bya mina hinkwabyo, ndzi hlalela ku saseka ka yona ndzi ri ndlwini ya yona.

Pisalema 43:3

Ndzi kombe ku vonakala ka wena ni ntiyiso wa wena; a swi ve swona swi ndzi fambisaka, swi ndzi fikisa entshaveni ya wena leyo hlawuleka, laha Tempele ya wena yi nga kona.

Pisalema 36:8

Va hanya endzalweni ya leswi u va phamelaka swona; u va nwisa ni mati layo nandziha enambyeni wa wena,

Pisalema 122:1

Ndzi tsakile ngopfu loko va ndzi rhambile va ku: “A hi yeni endlwini ya HOSI!”

Pisalema 8:1

We HOSI, N'wini wa hina, vito ra wena ri dzuneka ngopfu emisaveni hinkwayo! Wena u vekeke ku kwetsima ka wena ehenhla ka matilo,

Pisalema 132:5

ndzi ko ndzi kuma ndhawu leyi HOSI Xikwembu lexi nga ntamu wa va ka Yakobo xi nga ta kuma vutshamo eka yona.”

Nehemiya 9:6

Kutani Vaisraele va khongela va ku: “Wena HOSI, u Xikwembu u ri wexe! Hi wena u endleke matilo hinkwawo ni hinkwaswo leswi swi nga ka wona; u endlile ni misava ni leswi nga ka yona hinkwaswo, u endla ni malwandle ni hinkwaswo leswi nga ka wona. Swilo leswi hinkwaswo swi hlayisiwa hi wena; ni swivumbiwa swa le tilweni swi gandzela wena!

1 TIHOSI 22:19

Kutani Mikaya a engeta a ku: “Loko swi ri tano, yingisa rito ra HOSI Xikwembu: Ndzi vonile HOSI Xikwembu xi tshamile exiluvelweni xa xona ematilweni; mavandla hinkwawo ya lava va xi tirhelaka a ma yimile evokweni ra xona ra xinene ni ra ximatsi.

Pisalema 81:1

Yimbelelani mi dzunisa Xikwembu lexi xi hi nyikaka matimba, banani minkulungwana mi tlangela Xikwembu xa va ka Yakobo.

Pisalema 42:1

Ku fana ni ntswele ya mhunti loko yi rilela nambu lowu khulukaka, hi sweswo ni moya wanga, wu rilela wena Xikwembu xanga.