Pisalema 83:14 - BIBELE Mahungu Lamanene

¹⁴ Va herise ku fana ni xihlahla lexi tshwaka, ni tintshava leti onhiwaka hi ritshwa.

Xitsonga (Bibele)

¹⁴ Ni ndzilo lowu pfurhaka exihlahleni, Ni malangavi ya ndzilo lowu hisaka etintshaveni!

Pisalema 83:14 Referans Kwoze

Duteronoma 32:22

Ku hlundzuka ka mina ku fana ni ndzilo lowu pfurhaka, lowu hisaka swilo ku ya fika exivandleni xa vafi, wu hisa misava yi hela ni leswi nga ka yona, hambi ma ri masungulo ya tintshava ma tshwa.

Malakiya 4:1

“Vonani, siku leri pfurhaka kukota langavi ra ta: Lava tikurisaka ni lavo homboloka, va ta hisiwa ku fana ni byanyi. Esikwini rero va ta tshwa, ku nga ha sali na un'we wa mhamba! Ndzi vula sweswo, mina HOSI ya matimba hinkwawo.

Esaya 9:18

Lavo homboloka va le ku pfurheni, ku fana ni mitwa ni swigatlu leswi herisiwaka hi ndzilo; va kota xihlahla xo tlhuma lexi tshwaka, musi wu tuvika wu ya henhla.

Nahume 1:10

Va kotisa mitwa leyi phasaneke, va fana ni vanhu lava pyopyiweke loko va nwile. Va ta tshwa kukotisa byanyi lebyi omeke, va tshwela makumu.

Nahume 1:6

Xana i mani la nga tiyaka emahlweni ka vukari bya yona xana? Ku hlundzuka ka yona loku pfurhaka, ku nga tiyela hi mani xana? Vukari bya yona bya hangalaka ku fana ni ritshwa, maribye ma fayeka loko yi humelela.

Esaya 30:33

Ndhawu leyi yi nga ni ndzilo lowukulu lowu nga ta hisa hosi ya Asiriya, yi lulamisiwile khale. Ndhawu leyi yi ceriwile yi enta, yi tlhela yi anama, ku hoxeteriwa tihunyi to tala kona, kutani HOSI Xikwembu, hi xona xi nga ta pfurhisa tihunyi leti hi moya wa xona lowu fanaka ni xivavula.

Ntirho 21:18

A hi kangani va tlakuriwa hi moya wa xidzedze; a va hahisiwi kukota mungu kumbe mavivi.

Esaya 17:13

Vanhu va matiko va ba pongo ku fana ni maboboma, kambe Xikwembu xi ta va tshinya, va tsutsuma va ya kule swinene, kukota mungu lowu hahisiwaka hi moya etintshaveni, kumbe ritshuri loko ku ri na xidzedze.