Pisalema 81:10 - BIBELE Mahungu Lamanene

¹⁰ Hi mina HOSI Xikwembu xa n'wina lexi xi mi humeseke etikweni ra Egipta: kangatelani mavoko ya n'wina, ndzi ta mi phamela.

Xitsonga (Bibele)

¹⁰ Hi mina Yehovha, Xikwembu xa wena, la ku humeseke etikweni ra Egipta! Ahlamisa nomu wa wena, ndzi ta wu tata.

Pisalema 81:10 Referans Kwoze

Yohane 15:7

Loko mi tshama eka mina, ni loko marito ya mina ma tshama eka n'wina, kombelani xin'wana ni xin'wana lexi mi xi rhandzaka, kutani mi ta endleriwa xona.

Pisalema 107:9

hikuva xi timurile torha ra lava karheleke, lava nga ni ndlala, xi va phamerile va dya va xurha.

Eksoda 20:2

“Hi mina HOSI Xikwembu xa wena, lexi xi ku humeseke etikweni ra Egipta, ni le vuhlongeni bya kona.

Yohane 7:37

Hi siku ro hetelela ra nkhuvo, ri nga lerikulu, Yesu a suka a yima, kutani a tlakusa rito a ku: “Loko munhu a ri ni torha, a a te ka mina a ta nwa.

Nhlavutelo 21:6

Kutani a ku ka mina: “Swi endlekile! Hi mina Alfa na Omega, ku sungula ni ku hela. Loyi a nga ni torha, ndzi ta n'wi nyika mati ntsena a nga hakeli, ma huma exihlobyeni xa mati ya vutomi.

Nhlavutelo 22:17

Moya ni Mutekiwa va ri: “Tana! Ni loyi a swi twaka a a vule a ku: ‘Tana!’ Loyi a nga ni torha a a te; ni loyi a swi navelaka a a nwe mati ya vutomi a nga hakeli.”

Yohane 16:23

“Hi siku ra kona, a mi nga ha ndzi vutisi nchumu. Ndzi tiyisisile ndzi ri ka n'wina: Xin'wana ni xin'wana lexi mi nga ta xi kombela eka Tatana hi vito ra mina, ú ta mi nyika xona.

Yeremiya 11:4

Ntwanano wa kona hi lowu ndzi wu endleke ni vatata wa n'wina siku ndzi va humeseke etikweni ra Egipta, endzilweni lowu n'okisaka ni tinsimbhi; ndzi va byerile ku yingisa loko ndzi vulavula, va endla hinkwaswo leswi ndzi va lerisaka swona, leswaku va va vanhu va mina, na mina ndzi va Xikwembu xa vona.

Eksoda 20:3

“U nga tshuki u gandzela swikwembu swin'wana, kambe gandzela mina ntsena.

Duteronoma 5:7

“ ‘U nga tshuki u gandzela swikwembu swin'wana, kambe gandzela mina ntsena.

Yoxuwa 24:14

“Kutani sweswi, chavani HOSI Xikwembu, mi xi tirhela hi ku tinyiketa ni ku tshembeka. Swikwembu leswi vatata wa n'wina va swi tirheleke entsungeni wa nambu wa Yufrata ni le Egipta, hambanani na swona, mi tirhela HOSI Xikwembu.

Yoxuwa 24:23

Yoxuwa a ku: “Loko swi ri tano, hambanani ni swikwembu leswi swi nga exikarhi ka n'wina, mi tinyiketa eka HOSI Xikwembu xa Israele hi timbilu ta n'wina hinkwato.”

Hosiya 8:3

Kambe va tshika ku endla leswinene, kutani valala va va sala endzhaku.