Pisalema 80:16 - BIBELE Mahungu Lamanene

¹⁶ Valala va hina lava tsemeke ni ku hisa murhi lowu, va tshinye u va herisa hi vukari bya wena,

Xitsonga (Bibele)

¹⁶ Yi tshwile hi ndzilo, yi tsemiwile Va hela hi ku tshinya ka mombo wa wena.

Pisalema 80:16 Referans Kwoze

Pisalema 39:11

U tshinya munhu ni ku n'wi bela swidyoho swa yena, kutani swilo leswi a swi tsakelaka, wena u swi herisa wonge swi lo dyiwa hi muhlwa. Hakunene munhu un'wana ni un'wana i moyanyana ntsena.

Yohane 15:6

Un'wana ni un'wana la nga tshamiki eka mina, wa cukumetiwa ehandle tanihi rhavi leri omeke. Marhavi layo tano ma hlengeletiwa, kutani ma hoxiwa endzilweni ma tshwa.

2 Vatesalonika 1:9

Vanhu lava va ta avanyisiwa hi ku yisiwa eku onhakeni loku nga heriki, ni ku vona nghohe ya Hosi a va nga yi voni, hambi ma ri matimba ya yona layo kwetsima a va nga ma voni.

Esaya 27:11

Loko marhavi ya kona ma ta va ma omile, ma ta tshoveka ma wa, kutani vavasati va ta tshivela ndzilo ha wona. Vanhu lava a va twisisi, hikokwalaho muendli wa vona a nge va tweli vusiwana, a nga ka a nga va tsetseleli, muvumbi wa vona.

Pisalema 90:7

Hakunene ha dlawa hi vukari bya wena, ku hlundzuka ka wena ka hi chavisa.

Pisalema 79:5

We HOSI, xana u ta hi hlundzukela ku fikela rini? Xana vukari bya wena byi ta pfurha kukota ndzilo hilaha ku nga heriki xana?