Pisalema 8:2 - BIBELE Mahungu Lamanene

² u tiendlerile rirhangu hi milomo ya tindzumulo ni ya swihlangi swa le makatleni, u vhika ha yona lava lwaka na wena, u miyeta nala ni murihiseli.

Xitsonga (Bibele)

² Wa tiyisa matimba ya wena hi milomu ya swihlangi ni ya lava an'waka. Hikwalaho ka lava lwaka na wena, Ku miyeta nala wa wena, ni la tirihiselaka.

Pisalema 8:2 Referans Kwoze

Matewu 21:16

Hiloko va ku ka yena: “Xana wa swi twa leswi vana lava va vulaka swona xana?” Yesu a ku ka vona: “Ina! Xana a mi si hlaya rito leri nge: ‘U dzunisiwile hi ndlela leyo hetiseka hi milomo ya vana ni ya lava mamaka’ xana?”

Esaya 40:31

kambe lava tshembaka HOSI Xikwembu, va ta engeteleriwa matimba, va ta haha kukota magama, va ta tsutsuma va nga karhali, va ta famba va nga heleli hi ntamu.

Pisalema 46:10

Xikwembu xi ri: “Tshikani matlhari! Swi tiveni leswaku hi mina Xikwembu. Ndzi le henhla ka vanhu hinkwavo, misava hinkwayo yi fuma hi mina.”

1 Vakorinto 1:27

kambe Xikwembu xi hlawurile leswi misava yi swi vonaka swi ri “swa vuhunguki”, ku khomisa tintlhari etingana. Xikwembu xi hlawurile leswi misava yi swi vonaka swi ri ni ku tsana, ku khomisa leswi nga ni matimba etingana.

Matewu 11:25

Enkarhini wolowo Yesu a vulavula a ku: “Ndza ku nkhensa Tatana, Hosi ya tilo ni misava, hikuva timhaka teto, u ti fihlele lavo tlhariha ni lava mano, kambe u ti hlavutele eka lavatsongo.

Luka 10:21

Enkarhini wolowo Moya lowo Kwetsima wu n'wi tshukatshukisa hi ku tsaka, a ku: “Ndza ku nkhensa Tatana, Hosi ya tilo ni misava, hikuva timhaka leti, u ti fihlele lavo tlhariha ni lava mano, kambe u ti pfuletele lavatsongo. Ina, Tatana, u swi lavise sweswo.

Pisalema 44:16

hikuva ndzi twa vasandzi va ri karhi va rhuketela emahlweni ka valala ni ka lava tsakelaka ku tirihisela.

Habakuku 2:20

Kambe HOSI yi le ndlwini ya yona leyo hlawuleka; misava hinkwayo a yi miyele hi xichavo emahlweni ka yona, yi ku whíí!

Eksoda 15:16

Va weriwile hi ku chava ni gome, hikwalaho ka matimba ya voko ra wena, va yimile va nga ha tshukatshuki, ku kondza loko vanhu va wena va hundza, we HOSI, ina, vanhu va wena lava u nga tikumela vona va ko va hundza.

Amosi 5:9

Hi yena loyi a lovisaka vanhu va matimba, a lovisa ni miti ya vona ya makhokholo.

Pisalema 4:4

Karihani, kambe mi nga dyohi; vulavulani hi timbilu loko mi etlele emasangwini, mi miyerile!

1 SAMIELE 2:9

HOSI yi ta hlayisa vutomi bya lava va yi tshembaka, kambe lavo biha va ta nyamalala emunyameni, hikuva munhu a nga ka a nga khani hi matimba ya yena.

Eksoda 11:7

Kasi, exikarhi ka Vaisraele hinkwavo, a ku nga vi na munhu kumbe xifuwo lexi nga ta vukuriwa hi mbyana. Hi kona mi nga ta tiva leswaku mina HOSI Xikwembu ndzi hlawula Vaisraele eka Vaegipta.’ ”

Pisalema 57:6

Valala va mina va ndzi rhiyele ntlhamu, kambe ndzi wu wachukisile! Endleleni ya mina va cerile khele, kambe lava nga wela eka rona hi vona vinyi!

Pisalema 148:13

Hinkwenu, dzunisani HOSI Xikwembu, hikuva vito ra xona hi rona ntsena ri nga rikulu, ku dzuneka ka xona ku vonaka etilweni ni laha misaveni.

Esaya 6:3

Tintsumi a ti hlamulana ti ku: “Wa kwetsima, wa kwetsima, wa kwetsima loyi a nga HOSI ya matimba hinkwawo, misava hinkwayo yi tele hi ku dzuneka ka yena.”