Pisalema 79:9 - BIBELE Mahungu Lamanene

⁹ We Xikwembu muponisi wa hina, hi pfune leswaku vito ra wena ri dzunisiwa; hi kutsule u hi rivalela swidyoho swa hina hikwalaho ka vito ra wena.

Xitsonga (Bibele)

⁹ Oho Xikwembu xa ku hlayiseka ka hina, u hi pfuna, Hikwalaho ka ku kwetsima ka vito ra wena, U hi hlayisa, u hi rivalela vudyoho bya hina, Hikwalaho ka vito ra wena!

Pisalema 79:9 Referans Kwoze

Yeremiya 14:7

Vanhu va huwelela va ku: “We HOSI, hi dyohile emahlweni ka wena, hi tlhelele ndzhaku minkarhi yo tala, mintirho ya hina leyo biha ya hi mangalela. Hambiswiritano hi pfune hikwalaho ka vito ra wena.

Pisalema 25:11

We HOSI, swidyoho swa mina swi tele ngopfu, ndzi rivalele swona, leswaku vito ra wena ri ta dzunisiwa.

2 TIKRONIKA 14:11

Kutani Asa a khongela HOSI Xikwembu xa yena, a ku: “We HOSI, hi wena ntsena u kotaka ku lwela lava tsaneke, u va ponisa eka lava va va tlulaka hi matimba. Hi pfune u va na hina, we HOSI, Xikwembu xa hina, hikuva hi tshemba wena ntsena; loko hi ya hlangana ni ntshungu lowu wa valala, hi lava ku twarisa vito ra wena. We HOSI, u Xikwembu xa hina, u nga pfumeli leswaku loyi a nga munhu ntsena a ku tlula hi matimba!”

Ezekiele 20:14

kambe leswi a ndzi swi endlanga, hikuva a ndzi lavanga ku sorisa vito ra mina exikarhi ka vamatiko, va nga vanhu lava va ndzi voneke loko ndzi humesa Vaisraele etikweni ra Egipta.

Yeremiya 14:21

Leswi hi vuriwaka vanhu va wena, u nga hi tshiki, u nga fularheli xiluvelo xa wena lexi dzunekaka; anakanya ntwanano lowu u nga wu endla na hina, u nga wu tshovi!

Esaya 48:9

“Eku kariheni ka mina, ndzi tikhomile, ndzi mi lehisela mbilu, leswaku vito ra mina ri dzunisiwa, ni leswaku ndzi nga mi herisi.

Daniele 9:19

We HOSI, hi yingise! HOSI, hi rivalele! HOSI, twana xirilo xa hina, u hatla u hi lwela, hikwalaho ka leswi u nga swona, we Xikwembu xanga, ni hikwalaho ka muti lowu wa wena ni vaaki va wona lava thyiweke vito ra wena.

Ezekiele 20:9

Kambe leswi a ndzi swi endlanga, hikuva a ndzi lavanga ku sorisa vito ra mina exikarhi ka vamatiko lava hanyeke na Vaisraele, va nga vanhu lava va nga ndzi vona loko ndzi humesa Vaisraele etikweni ra Egipta.

Esaya 43:25

“Mina, hi mina ntsena la nga ta mi rivalela swidyoho swa n'wina, sweswo ndzo tiendlela mina n'wini; swidyoho swa n'wina, a ndzi nga ha swi tsundzuki.

Pisalema 65:3

Timhaka leti hi nga ku dyohela ha tona, ti hi tikela ku tlula mpimo, kambe wena u nga hi rivalela milandzu ya hina.

Pisalema 31:3

Hakunene, u ribye ra mina ni khokholo ra mina; ndzi kombe ndlela u tlhela u ndzi fambisa, leswaku vito ra wena ri nga sandziwi.

Vaefesa 1:6

ku endlela leswaku hi xi dzunisa hi mhaka ya tintswalo ta xona leto saseka ngopfu, leti xi hi nyikeke tona eka N'wana wa xona la rhandzekaka.

Malakiya 2:2

Ndzi yingiseni, mi tikarhatela ku twarisa vito ra mina. Loko mi nga endli sweswo, ndzi ta mi vangela makhombo; ku katekisa ka n'wina, ndzi ta ku hundzula ndzhukano. Ni sweswi ndzi ku hundzule ndzhukano, hikuva a mi tikarhateli mina.

Pisalema 115:1

We HOSI, ku dzunisiwa a hi swa hina, hakunene a hi swa hina, kambe i swa wena ntsena, hikuva u ni rirhandzu, wa tshembeka.

Yoxuwa 7:9

Vakanana ni vaaki hinkwavo va tiko va ta yi twa mhaka leyi, kutani va ta hi hlasela va hi herisela makumu; kutani xana wena u ta endla yini hi vito ra wena lerikulu xana?”

Daniele 9:9

Wena Xikwembu N'wini wa hina, u ni tintswalo, u rivalela vanhu swidyoho; kambe hina hi ku fularhele,

Ezekiele 20:44

N'wina Vaisraele, siku ndzi mi rivalelaka ematshan'wini ya ku mi bela mintirho ya n'wina leyo homboloka ya manyala, ndzi ta endlela ku twarisa vito ra mina, kutani mi ta tiva leswaku HOSI Xikwembu, hi mina! Ndzi vula sweswo mina HOSI N'wini wa hinkwaswo.”