Pisalema 79:5 - BIBELE Mahungu Lamanene

⁵ We HOSI, xana u ta hi hlundzukela ku fikela rini? Xana vukari bya wena byi ta pfurha kukota ndzilo hilaha ku nga heriki xana?

Xitsonga (Bibele)

⁵ Yehovha, u ta tshika rini ku kariha, Rilondo ra wena ri ta pfurha tani hi ndzilo hi masiku xana?

Pisalema 79:5 Referans Kwoze

Pisalema 89:46

We HOSI, xana u ta fihla mombo wa wena hilaha ku nga heriki xana? Xana vukari bya wena byi ta pfurha ku fika rini xana?

Pisalema 85:5

Xana u ta hi hlundzukela hilaha ku nga heriki xana? Xana u ta ya emahlweni u karihela ni lava va ha taka xana?

Pisalema 74:1

We Xikwembu, xana u hi tshikele yini? U nga va u hi tshikele makumu xana? Xana u hi hlundzukelela yini, hina hi nga ntlhambi lowu u wu risaka, xana?

Sofoniya 3:8

“Hikokwalaho, ndzi languteleni, mi yimela siku leri ndzi nga ta suka ndzi yima, ndzi vula nandzu wa n'wina. Makungu ya mina i ku hlengeleta vanhu va matiko ni va mimfumo hinkwayo, leswaku ndzi chela ku hlundzuka ka mina ehenhla ka vona, ndzi va hisa hi vukari bya mina lebyi pfurhaka, hikuva misava hinkwayo yi ta hisiwa endzilweni wa rilondzo ra mina.”

Duteronoma 29:20

Munhu wo tano, HOSI Xikwembu xi nga ka xi nga n'wi rivaleli; vukari bya xona byi ta pfurha ehenhla ka yena, hikuva xi na rilaveta; ú ta weriwa hi makhombo lama tsariweke ebukwini leyi, ku kondza HOSI Xikwembu xi n'wi herisa, a nyamalalela makumu.

Ezekiele 36:5

Kambe mina HOSI N'wini wa hinkwaswo ndzi ri, ndzi lwa ni vamatiko lava, na vona va le Edomu hinkwavo, ndzi lwa na vona; ndzi va tshinya hi vukari bya mina lebyi pfurhaka, hikuva va titekerile tiko ra mina, va ku i ra vona, va ri karhi va tsaka swinene, va endlela ku kuma madyelo ya rona ya swifuwo ma va ya vona, va sandza ni Vaisraele.

Pisalema 80:4

We HOSI Xikwembu xa matimba hinkwawo, xana u ta hlundzuka ku fikela rini, u ala ku yingisa swikhongelo swa hina vanhu va wena xana?

Nhlavutelo 6:10

A va huwelela hi rito leri tlakukeke va ku: “We Hosi ya matimba hinkwawo, wena wo kwetsima, wa ntiyiso, swa ha ta teka nkarhi muni ku fikela loko u ta avanyisa vaaki va misava ni ku va ba, leswi va hi dlayeke?”

Sofoniya 1:18

Esikwini leri HOSI Xikwembu xi nga ta karihela vanhu, silivhere ya vona ni nsuku wa vona swi nge va ponisi; ndzilo wa rilondzo ra xona wu ta herisa misava hinkwayo; vaaki va yona hinkwavo va ta lovisiwa hi ku copeta ka tihlo.

Mikiya 7:18

We HOSI, xana xi kona xikwembu xin'wana lexi fanaka na wena xana? Vanhu lava nga masalela ya ndzhaka ya wena, wa va rivalela milandzu ya vona, a wu hlayeli leswaku va tiarise kangani. Loko u hlundzukile, vukari bya wena byi hatla byi rhelela, hikuva u tsakela ngopfu ku hi komba tintswalo ta wena leto tshembeka.

Esaya 64:9

We HOSI, u nga hi kariheli ku tlula mpimo, u nga tsundzuki ku homboloka ka hina hilaha ku nga heriki; hi kombela leswaku u tsundzuka leswi: Hina hinkwerhu, hi vanhu va wena.

Pisalema 103:9

A xi holoveli vanhu minkarhi hinkwayo, a xi tshameli ku va karihela.

Duteronoma 32:22

Ku hlundzuka ka mina ku fana ni ndzilo lowu pfurhaka, lowu hisaka swilo ku ya fika exivandleni xa vafi, wu hisa misava yi hela ni leswi nga ka yona, hambi ma ri masungulo ya tintshava ma tshwa.

Duteronoma 32:16

Va pfuxe rilaveta ra Xikwembu hi ku gandzela swikwembu swin'wana, va xi hlundzukisile hi manyala lawa va ma endleke.

Pisalema 6:4

Vuya HOSI, u ta ndzi lamulela, ndzi ponise, hikuva rirhandzu ra wena ra tshembeka.

Pisalema 80:5

Mahlomulo i swakudya leswi u hi phamelaka swona, u hi nwisile mihloti hi xinwelo lexi khapaka.

Pisalema 89:47

We N'wini wanga, ndzi anakanye, hikuva vutomi bya mina byi komile ngopfu; vanhu hinkwavo lava u va tumbuluxeke, a hi nchumu!

Swirilo 5:22

Xana u nga va u hi tshikele makumu, u nga va u hi hlundzukele hilaha ku nga heriki xana?

Zakariya 1:12

Kutani wanuna loyi a a rhumiwile hi HOSI Xikwembu a vutisa a ku: ‘We HOSI ya matimba hinkwawo, xana u ta tshika rini ku kala u nga tweli Yerusalema ni miti ya Yuda evusiwana xana? Leswi ku nga hundza malembe ya 70, wa ha yi hlundzukerile ke?’