Pisalema 79:4 - BIBELE Mahungu Lamanene

⁴ Hi hundzukile xihlekiso eka vaakelani va hina, hinkwavo lava va hi rhendzeleke va hi hlekula ni ku hi monya.

Xitsonga (Bibele)

⁴ Hi hundzukile xisandzu eka lava akisaneke na hina, Ku tlanga, ni xihlekiso xa lava nga ematlhelweni.

Pisalema 79:4 Referans Kwoze

Pisalema 80:6

Vaakelani va hina va lwetana hi tiko ra hina, valala va hina va le ku sandzeni.

Daniele 9:16

Wena N'wini wa hina, u hi lwerile minkarhi leyo tala. Namuntlha, hi kombela leswaku u rheleta vukari bya wena, u tshika ku hlundzukela muti wa Yerusalema entshaveni ya wena leyo hlawuleka, hikuva matiko hinkwawo lawa ya hi rhendzeleke, ma hlekule muti lowu ma monya na hina vanhu va wena, hi mhaka ya leswi hi ku dyoheleke, hina ni vatata wa hina.

Ezekiele 36:15

A ndzi nga ha pfumeleli vamatiko ku mi khomisa tingana, a mi nga ha soriwi hi vanhu va tinxaka tin'wana, naswona a mi nga ha phiji varikwenu va wela hansi. Ndzi vula sweswo mina HOSI N'wini wa hinkwaswo.’ ”

Ezekiele 36:3

Hikokwalaho wena muprofeta byela tintshava leti leswaku mina HOSI N'wini wa hinkwaswo ndzi ni rito eka tona; ndza swi tiva swinene leswaku ti hundzukile mananga, ti hlaseriwa hi valala lava humaka ematlhelweni hinkwawo; vaaki va matiko mambe va ti tekile ti va ta vona, va vulavula swo biha ha tona exikarhi ka va ka vona.

Ezekiele 35:12

Na n'wina mi ta tiva leswaku hinkwaswo leswi mi swi vuleke loko mi hlekula tintshava ta tiko ra Israele, mina HOSI ndzi swi twile! Mi vurile leswaku tintshava ta kona ti hundzukile mananga, ni leswaku ti nyiketiwile emavokweni ya n'wina leswaku mi ti hlasela.

Swirilo 5:1

We HOSI, tsundzuka leswi swi hi humeleleke; languta, u vona tingana ta hina.

Yeremiya 42:18

Mina HOSI ya matimba hinkwawo, Xikwembu xa Israele, ndzi vurisa sweswo ndzi ri: Loko mo ya etikweni ra Egipta, vukari bya mina ni ku hlundzuka ka mina swi ta mi wela, tani hilaha swi weleke vanhu va Yerusalema. Vanhu va ta mi rhuketela va mi nyenya, va ta mi sandza va mi hlekula, kutani tiko leri ra n'wina, mi nga ka mi nga ha ri voni!’ ”

Yeremiya 25:18

Ndzi rhanga ndzi nwisa vaaki va Yerusalema ni va miti ya Yuda, ndzi nwisa tihosi ni tindhuna ta vona, leswaku miti ya kona yi hundzuka marhumbi layo chavisa, vahundzi va ndlela va hlakahla tinhloko, va yi monya; ni namuntlha swa ha ri tano.

Yeremiya 24:9

Ematikweni hinkwawo ndzi ta va hundzula xikombiso xo biha lexi chavisaka; hinkwako lomu ndzi nga ta va hangalasa va ya kona, ndzi ta va hlekurisa hi vanhu, ndzi va endla xihlambanyiso ni xihlekiso ni ndzhukano.

Pisalema 89:41

Vahundzi va ndlela hinkwavo va phangha swilo swa yena, kutani ú hundzukile xihlekiso eka vaakelani va yena.

Nehemiya 2:19

Kuteloko Sanibalati lowa Muhoroni, ni nandza loyi va nge i Tobiya lowa Muamoni, na Muarabu loyi va nge i Gexamu, va twa timhaka leti, va monya va hi hlekula va ku: “Xana i ncini lexi mi endlaka xona xana? Xana mo lava ku hundzukela hosi ya tiko xana?”

1 TIHOSI 9:7

ndzi ta susa vanhu va Israele etikweni leri ndzi va nyikeke rona. Na yona Tempele leyi ndzi yi hlawuleke ku twarisa vito ra mina eka yona, ndzi ta yi cukumeta kule na mina; kutani vanhu va Israele va ta hundzuka xihlambanyiso ni xihlekiso exikarhi ka vamatiko hinkwavo.

Duteronoma 28:37

Loko mi ri exikarhi ka lava HOSI Xikwembu xi nga ta mi yisa eka vona, mi ta nyenyiwa hi vanhu hinkwavo, mi hundzuka xihlambanyiso ni xihlekiso.

Nehemiya 1:3

Kutani va ku ka mina: “Lava va nga xifundzheni lexiya, lava vuyeke hi le vukhumbini, va le khombyeni lerikulu; leswi va endliwaka swona swi khomisa tingana; rirhangu ra muti wa Yerusalema ri mbundzumuxiwile, ni tinyangwa ti herisiwile hi ndzilo.”

Esaya 43:28

Hikokwalaho, ndzi nyamisile varhangeri va le Tempeleni, ndzi nyiketa va ka Yakobo leswaku va heriseriwa makumu, ndzi tshika Vaisraele va rhuketeriwa.”

Yeremiya 51:51

N'wina a mi ku: ‘Hi ni tingana, hikuva hi tsongahatiwile ngopfu, hi tifihla swikandza, hikuva valala va hi khomise tingana: Vamatiko lava va nghenile eTempeleni, yi nga yindlu leyo hlawuleka ya HOSI Xikwembu.’

Swirilo 1:11

Hinkwavo vanhu va yena va konya loko va ri karhi va lava swakudya; va tilavela swona hi ku xavisa swilo swa vona swa nkoka, va ta kuma matimba hi vuntshwa. Yerusalema ú ri: “Languta we HOSI, u vona hilaha ndzi soriwaka hakona.

Ezekiele 22:5

Lava nga kusuhi na wena ni lava nga kule va ta ku monya, hikuva u tionhile vito, we muti wo tala mpfilumpfilu.

Sofoniya 3:18

ku fana ni le sikwini ra nkhuvo.” HOSI Xikwembu xi ri: “Ndzi ta susa maxangu ya n'wina, leswaku mi nga ha xaniseki.

Zakariya 8:13

N'wina va le Yuda na n'wina Vaisraele, mi vile lava rhuketeriweke exikarhi ka vamatiko, kambe sweswi ndzi ta mi ponisa mi hundzuka nkateko ematikweni; hikokwalaho mi nga chavi, tirhani mi tiyile!”