Pisalema 79:10 - BIBELE Mahungu Lamanene

¹⁰ U nga pfumeli leswaku vamatiko va hi hleka va ku: “Xi kwihi Xikwembu xa vona xana?” Va kombe hi ri karhi hi swi vona, leswaku u rihiseta ngati ya malandza ya wena leyi halatiweke.

Xitsonga (Bibele)

¹⁰ Matiko ma vulela yini ma ku: “Xikwembu xa vona xi kwihi?” Ku rihisa ka ngati ya malandza ya wena, leyi halatiweke, A ku vonakale ematikweni emahlweni ya hina.

Pisalema 79:10 Referans Kwoze

Pisalema 42:10

Ndzi titwa ndzi tshoveke swirho, loko valala va mina va ndzi rhukana, ni loko va tshamela ku ndzi vutisa va ku: “Xana Xikwembu xa wena xi kwihi ke?”

Nhlavutelo 18:20

Tsaka hi mhaka ya wona, wena tilo; na n'wina vahlawuriwa va Xikwembu, ni vaapostola, ni vaprofeta, tsakani, hikuva Xikwembu xi wu avanyisile, xi mi rihisetela.”

Mikiya 7:10

Valala va hina va ta swi vona, kutani va ta nyuma, vona lava a va ku: “HOSI Xikwembu xa n'wina xi kwihi xana?” Vanhu lava va ta kandziyeriwa ku fana ni ndzhope emagondzweni, hina hi ta languta kunene.

Pisalema 115:2

Vamatiko va ha vulela yini va ku: “Xana Xikwembu xa vona xi kwihi ke?”

Pisalema 94:1

We HOSI, u Xikwembu lexi rihiselaka; tikombe wena Xikwembu murihiseli!

Pisalema 42:3

Mihloti i swakudya swa mina vusiku ni nhlekanhi, hikuva va tshamela ku ndzi vutisa va ku: “Xana Xikwembu xa wena xi kwihi ke?”

Eksoda 7:5

Loko ndzi tirhisile matimba ya mina ehenhla ka tiko ra Egipta ku humesa vanhu va mina exikarhi ka rona, hi kona Vaegipta va nga ta tiva leswaku hi mina HOSI Xikwembu.”

Eksoda 6:7

Naswona ndzi ta mi endla vanhu va mina, mina ndzi va Xikwembu xa n'wina; kutani mi ta swi tiva leswaku hi mina HOSI Xikwembu xa n'wina, lexi nga ta mi humesa emintirhweni yo tika ya le Egipta.

Varhoma 12:19

Varhandziwa, mi nga tshuki mi tirihisela mi ri n'wina; kambe kendlukelani vukari bya Xikwembu, hikuva ku tsariwile va ku: “Ku rihisa i ka mina; hi mina loyi ndzi nga ta rihisela, ku vula Hosi.”

Yuwele 2:17

Vaprista, vona malandza ya HOSI Xikwembu, a va nghene exivaveni xa Tempele, va ya rila kusuhi ni alitari; a va vule va ku: “We HOSI, hi vanhu va wena ni ndzhaka ya wena, hi tsetselele, u nga tshuki u hi sandzisa ni ku hi endla xihlekiso eka vamatiko. Vanhu vambe va nga tshuki va vula va ku: ‘Xikwembu xa vona xi kwihi ke?’ ”

Ezekiele 36:23

Ndzi ta basisa vito ra mina lerikulu, hikuva mi ri sorisile exikarhi ka vamatiko; kambe loko ndzi ta va ndzi kombisile ku hlawuleka ka mina emahlweni ka vamatiko lava, va ta tiva leswaku HOSI Xikwembu, hi mina! Ndzi vula sweswo mina HOSI N'wini wa hinkwaswo.

Yeremiya 51:35

Muti wa Babilona a wu biwe, hikuva wu hi xanisile ngopfu, hina hinkwerhu hi akeke eSiyoni. Vanhu va tiko ra Kalediya a va dlayiwe, hikwalaho ka ngati ya hina leyi va yi halateke, ku vula mina Yerusalema.”

Pisalema 58:11

Vanhu va ta vula va ku: “Lavo lulama va vuyeriwa hakunene, Xikwembu lexi avanyisaka misava, xi kona!”

Pisalema 9:16

HOSI yi titivisile, hi ku avanyisa ka yona loku lulameke: Lavo homboloka va phasiwile hi swiendlo swa vona vinyi.

Duteronoma 32:43

“Dzunisani vanhu va Xikwembu, n'wina vamatiko, hikuva xi rihisela ngati ya malandza ya xona, xi rihisela eka valala va xona, kambe xi rivalela vanhu va tiko ra xona swidyoho swa vona.”

Pisalema 42:4

Loko ndzi ri karhi ndzi phofula swa moya wanga, ndzi tsundzuka swa khale, hilaha a ndzi longoloka hakona ni lavakulu, hi ya endlwini ya Xikwembu, hi ri karhi hi ba minkulungwana ya ntsako ni ku yimbelela tinsimu ta minkhenso hi ri emintshungwini leyi dyaka nkhuvo.

Pisalema 42:11

We moya wanga, ú tlhavekela yini xana? U vavisekela yini endzeni ka mina ke? Tshemba Xikwembu! Mina ndza ha ta xi dzunisa, xona Xikwembu xanga, muponisi wanga wa xiviri.

Esaya 64:1

“Hikwalaho ka yini u nga handzuli mapapa, u rhelela emisaveni xana? Tintshava a ti ta ninginika loko ti ku vona.

Yeremiya 51:24

HOSI Xikwembu xi ri: “Ndzi ta ba va le Babilona, ni vanhu hinkwavo va tiko ra Kalediya, mi ri karhi mi swi vona hi mahlo, n'wina va le Siyoni. Va ta riha leswo biha hinkwaswo leswi va swi endleke emutini wa n'wina.

Swirilo 1:22

“Humesela ku biha ka vona hinkwako erivaleni; u va ba kukota leswi u ndzi biseke swona, hikwalaho ka swidyoho swa mina hinkwaswo. Ku konya ka mina i kukulu, ni mbilu ya mina yi vava ngopfu.”