Pisalema 78:15 - BIBELE Mahungu Lamanene

¹⁵ Emananga xi pandzile maribye, xi va timula torha hi mati layo tala lawa onge a ma huma exidziveni.

Xitsonga (Bibele)

¹⁵ Xi pandzile maribye le mananga, Kutani xi va nwisa swange va nwa eswidziveni swa lwandle.

Pisalema 78:15 Referans Kwoze

Pisalema 105:41

Xi pandza ribye, kutani mati ma hobomulana, ma khuluka emananga ma endla nambu.

Tinhlayo 20:11

Hiloko Muxe a tlakusa voko ra yena, a ba ribye kambirhi hi nhonga; kutani ku huma mati, ma tele swinene; ntshungu wu nwa ni swifuwo swa wona.

Eksoda 17:6

Vona, u ta ndzi kuma ndzi ku yimerile le ntshaveni ya Horebe kusuhi ni ribye; u ta fika u ba ribye, kutani ku ta huma mati lawa vanhu va nga ta nwa wona.” Muxe a endla sweswo, vakulukumba va Israele va ri karhi va n'wi vona.

1 Vakorinto 10:4

hinkwavo va nwile swakunwa swo fana swo huma tilweni, hikuva a va hamba va nwa eribyeni ro huma tilweni leri a ri va landza; ribye ra kona a a ri Kriste.

Pisalema 114:8

hikuva hi xona xi humeseke tiva ra mati emakwandzasini, xi boxa xihlovo eribyeni lero nonon'hwa.

Nhlavutelo 22:17

Moya ni Mutekiwa va ri: “Tana! Ni loyi a swi twaka a a vule a ku: ‘Tana!’ Loyi a nga ni torha a a te; ni loyi a swi navelaka a a nwe mati ya vutomi a nga hakeli.”

Nhlavutelo 22:1

Kutani ntsumi yi ndzi komba nambu wa mati ya vutomi lowu vangamaka ku fana ni “kristala”, wu khuluka wu huma exiluvelweni xa Xikwembu ni xa Xinyimpfana.

Esaya 48:21

Vanhu lava HOSI Xikwembu xi va fambiseke emananga, a va karhatiwanga hi torha, hikuva xi va humeserile mati eribyeni; xi ri pandzile, kutani mati ma huma hi matimba.

Esaya 43:20

Timhungubye ni tiyimbhu, ni swiharhi hinkwaswo swa nhova, swi ta ndzi dzunisa, hikuva ndzi humesa mati emananga, ndzi khulukisa milambu etikweni leri omeke, leswaku vahlawuriwa va mina va kuma mati yo nwa.

Esaya 41:18

Ndzi ta boxa milambu ya mati eswitsungeni leswi omeke, ndzi boxa ni swihlovo eminkoveni; mananga ndzi ta ma hundzula swidziva, ndzi khulukisa ni swinambyana emakwandzasini.