Pisalema 78:13 - BIBELE Mahungu Lamanene

¹³ Xi avanisile mati ya lwandle, ma endla tindhundhuma ematlhelweni mambirhi, kutani xi va tsemakanyisa, va hundza.

Xitsonga (Bibele)

¹³ Xi tsemakanyisa lwandle, xi va perisa, Xi yimisa mati ma endla swange i khumbi.

Pisalema 78:13 Referans Kwoze

Eksoda 14:21

Muxe a tlakusela voko ra yena ehenhla ka lwandle; kutani HOSI Xikwembu xi tlhengusa mati ya lwandle hi ku hungisa moya lowukulu vusiku hinkwabyo, wu huma evuxeni; mati ma avana hi le xikarhi, ehansi ku sala ku omile,

Eksoda 15:8

“Loko u hefemutekile hi ku kariha, mati ma hlengeletanile, maboboma ma yima ma endla makhumbi, magandlati exikarhi ka lwandle ma tiya.

Pisalema 66:6

Xi hundzule lwandle ri va tiko leri omeke, vanhu va tsemakanyile nambu hi milenge. Hikokwalaho, a hi xi beleni nkulungwana!

Yoxuwa 3:16

kutani mati lama khulukaka ma ta hi hala tlhelo ra le henhla ka nambu ma yima, ma endla ndhundhuma ma ya fika ni le mutini wa Adama lowu nga kusuhi na Saretani. Mati lama khulukaka ma rhelela ma kongoma eLwandle ra Araba, ri nga Lwandle-ra-ku-fa, ma tsemeka, ma nga ha khuluki, kutani Vaisraele va pela nambu wa Yordani, ku langutana na Yeriko.

Habakuku 3:15

U kandziyela lwandle hi tihanci ta wena, kutani maboboma ya matimba u ma tlhutlhisa khuvi.

Esaya 63:13

xona Xikwembu lexi tsemakanyiseke Vaisraele hi le xikarhi ka swidziva, xana sweswi, xi kwihi ke? A va famba kukota hanci leyi tsutsumaka erivaleni; a va kalanga va khuguka.

Pisalema 38:7

Endzeni ka mina ku hisa ngopfu, ndzi twa ku vava emirini wa mina hinkwawo.

Eksoda 14:22

kutani Vaisraele va nghena elwandle, va famba laha ku omeke; mati a ma endlile makhumbi hi tlhelo ra vona ra xinene ni lera ximatsi.

Eksoda 14:29

Kambe Vaisraele vona va pele lwandle va famba laha ku omeke, mati ma va endlele makhumbi exineneni ni le ximatsini.

Yoxuwa 3:13

Loko vaprista lava rhwaleke Areka ya Ntwanano wa HOSI Xikwembu xa misava hinkwayo va peta minkondzo ya vona ematini ya nambu wa Yordani, mati ma ta yima ku khuluka, kutani lama taka hi tlhelo ra hala henhla ka nambu lowu ma ta hlengeletana ndhawu yin'we ma endla ndhundhuma.”

Esaya 63:12

Xikwembu lexi tiyiseke Muxe hi matimba ya xona, xi avanyisa ni mati ya lwandle hi le xikarhi emahlweni ka Vaisraele, leswaku vito ra xona ri ta ka ri nga rivariwi,