Pisalema 77:13 - BIBELE Mahungu Lamanene

¹³ We Xikwembu, matirhele ya wena ma hlawulekile, a ku na Xikwembu xin'wana lexi ringanaka na wena hi vukulu.

Xitsonga (Bibele)

¹³ Oho Xikwembu! Ndlela ya wena ya kwetsima! Xi kwihi Xikwembu lexi nga lexikulu tani hi Xikwembu xana?

Pisalema 77:13 Referans Kwoze

Pisalema 73:17

ndzi kondza ndzi ya nghena exivandleni xa wena lexo hlawuleka we Xikwembu, kutani hi kona ndzi twisiseke mahelele ya lavo homboloka.

Eksoda 15:11

“We HOSI, i mani loyi a fanaka na wena exikarhi ka swikwembu, xana? Wena la nga ni matimba lama kwetsimaka, wena wa mintirho leyo chavisa, wena u endlaka swihlamariso, ku hava la fanaka na wena!

Esaya 40:25

Muhlawuleki wa vutisa, ú ri: “Xana ú kona loyi mi nga ndzi ringanisaka na yena, loyi ndzi fanaka na yena, xana?”

Duteronoma 32:31

Valala va hina a va na rona ribye leri tiyeke, leri fanaka ni Ribye ra hina, sweswo va swi tiva, vona hi voxe.

Pisalema 63:2

Ndzi ku langutile eTempeleni ya wena, ndzi vona matimba ya wena ni ku dzuneka ka wena.

Pisalema 27:4

Ndzi komberile xilo xin'we eka HOSI; xilo xa kona ndzi xi tsakela ngopfu, ku nga ku tshama eTempeleni ya HOSI vutomi bya mina hinkwabyo, ndzi hlalela ku saseka ka yona ndzi ri ndlwini ya yona.

Esaya 46:5

“Xana ú kona munhu loyi mi nga ndzi fanisaka na yena, kumbe loyi mi nga ndzi ringanisaka na yena xana? Ndzi ringana na mani, naswona ndzi fana na mani?

Esaya 40:18

Xana ú kona munhu loyi mi nga n'wi ringanisaka ni Xikwembu, kumbe swi kona leswi mi nga swi fanisaka na xona, xana?

Pisalema 86:8

Exikarhi ka swikwembu, ku hava lexi fanaka na wena we N'wini wanga, hambi mintirho ya wena a yi pimanisiwi na yin'wana.

Pisalema 71:19

We Xikwembu, ku lulama ka wena i kukulu kukota matilo. U tirhile leswikulu ngopfu, ku hava loyi a ringanaka na wena we Xikwembu.

Pisalema 68:25

vayimbeleri va rhangile emahlweni, va landza hi vanhwanyana lava baka swingomana, endzhaku ka vona ku ta vachayi va swichaya-chayani.

Pisalema 105:2

Yimbelelani risimu mi dzunisa yona, twarisani mintirho ya yona hinkwayo leyo hlamarisa.

Pisalema 119:27

Ndzi pfune ku twisisa swiletelo swa wena, leswaku ndzi ta anakanya mintirho ya wena leyo hlamarisa.