Pisalema 76:6 - BIBELE Mahungu Lamanene

⁶ We Xikwembu xa Yakobo, u lo na va tshinya, vo wela hansi ni tihanci ta vona.

Xitsonga (Bibele)

⁶ Hi ku chavisa ka wena, Xikwembu xa Yakobo, Vakhandziyi va tietlelele ni tihanci ta vona.

Pisalema 76:6 Referans Kwoze

Eksoda 15:1

Kutani Muxe ni Vaisraele va dzunisa HOSI Xikwembu hi risimu leri nge: “Ndzi ta yimbelela ndzi dzunisa HOSI, hikuva yi hlurile hi ndlela yo hlamarisa; hanci ni mugadi wa yona, yi swi hoxile elwandle.

Eksoda 15:21

Kutani Meriyamu a va yimbelelela risimu, a ku: “Yimbelelani mi dzunisa HOSI, hikuva yi hlurile hi ndlela yo hlamarisa; hanci ni mugadi wa yona, yi swi hoxile elwandle.”

Ezekiele 39:20

Ndzi ta mi phamela nyama ya tihanci ni ya vagadi va tona, ni ya tinhenha, ni ya masocha ya matiko yo hambana-hambana. Ndzi vula sweswo mina HOSI N'wini wa hinkwaswo.’ ”

Pisalema 80:16

Valala va hina lava tsemeke ni ku hisa murhi lowu, va tshinye u va herisa hi vukari bya wena,

Zakariya 12:4

Hi siku rero, ndzi ta tshukisa tihanci ta vanhu va matiko, hinkwato ndzi ti dlaya mahlo, vagadi va tona ndzi va hlanganisa tinhloko; kambe ndzi ta pfula mahlo, ndzi languta va le Yuda.

Nahume 3:18

Varisi va wena va etlele, wee hosi ya Asiriya; tinganakana ta wena ta khudzehela! Vanhu va wena va hangalakile ni tintshava, ku nga ha ri na loyi a va hlengeletaka.

Nahume 2:13

HOSI ya matimba hinkwawo yi ri: “Yingisa we Ninivha, ndza ku pfukela. Ndzi ta hisa makalichi ya wena, ndzi tlhavetela tinhenha ta wena hi fumu. Ndzi ta susa nhloto wa wena emisaveni ya Ninivha, kutani rito ra varhumiwa va wena a ri nga ha twali.”

Nahume 1:6

Xana i mani la nga tiyaka emahlweni ka vukari bya yona xana? Ku hlundzuka ka yona loku pfurhaka, ku nga tiyela hi mani xana? Vukari bya yona bya hangalaka ku fana ni ritshwa, maribye ma fayeka loko yi humelela.

Yeremiya 51:57

HOSI Xikwembu xi ri: “Ndzi ta pyopyisa tindhuna ni tintlhari, varhangeri ni vafambisi va mavuthu ni tinhenha! Ndzi ta va etlerisa vurhongo lebyikulu, kutani a va nga ha xalamuki, ku vula mina Mufumi, HOSI ya matimba hinkwawo.

Yeremiya 51:39

Loko va ha nyanyukile, ndzi ta va lulamisela nkhuvo lowukulu, ndzi va pyopyisa va kondza va nga ha titivi, kutani va ta etlela vurhongo lebyikulu; va nga ka va nga ha xalamuki, ku vula mina HOSI.

Esaya 37:36

Kutani ntsumi ya HOSI Xikwembu yi humelela emixaxeni ya Vaasiriya, yi lovisa vavanuna va 185 000. Loko ri ya eku xeni, lavan'wana va pfuka, kutani vo vona mintsumbu ntsena.

Pisalema 104:7

Kambe loko u swi tshinyile, swi hangalakile, swi tsutsumile loko swi twa ku dzindza ka rito ra wena,

Pisalema 18:15

Ehansi ka lwandle, ka vonaka, siku u karihelaka valala va wena, we HOSI; masungulo ya misava ma fununguriwa, siku vukari bya wena byi bulukaka.

2 SAMIELE 10:18

Kambe va hatla va tsutsuma va chava Vaisraele. Hiloko Davhida a dlaya vakhandziyi va makalichi ya Vasiriya ya 700, ni vagadi va tihanci va 40 000 , a tlhava na Xobaki, ndhunankulu ya mavuthu ya Vasiriya, kutani Xobaki a fela kwalaho.

1 SAMIELE 26:12

Kwalaho Davhida a teka tlhari leri a ri ri etinhlokweni ta Sawulo ni gula ra mati, va suka va famba. A ku vanga na un'we enxaxeni loyi a swi voneke, hambi ku ri ku swi twa, kumbe ku pfuka, hikuva HOSI Xikwembu a xi va etlerisile hi vurhongo lebyikulu.

Eksoda 15:10

Kambe wena, u hungisile moya wa wena, kutani lwandle ri va khubumeta; va ndzondzomerile ku fana ni ntsopfu, exikarhi ka maboboma lama chavisaka.

2 TIHOSI 19:35

Kutani, hi vusiku byebyo, ntsumi ya HOSI Xikwembu yi humelela emixaxeni ya Vaasiriya, yi lovisa vavanuna va 185 000. Loko ri ya eku xeni, lavan'wana va pfuka, kutani vo vona mintsumbu ntsena.

2 TIKRONIKA 32:21

Kutani xona xi rhuma ntsumi ya xona, yi ya dlaya masocha hinkwawo ni tindhuna ta wona, emixaxeni ya hosi ya Asiriya. Hiloko Senakeribi a muka a ri ni tingana; kutani siku rin'wana, loko a ya khongela endlwini ya xikwembu xa yena, van'wana va vana va yena va n'wi dlayela kona hi fumu.