Pisalema 75:10 - BIBELE Mahungu Lamanene

¹⁰ Xikwembu xi ri: “Ndzi ta herisa matimba ya lavo homboloka, kambe lavo lulama, ndzi ta va engetelela ntamu.”

Xitsonga (Bibele)

¹⁰ Kutani ndzi ta wisa matimba hinkwawo ya lavo biha; Matimba ya lavo lulama ma ta tlakusiwa!

Pisalema 75:10 Referans Kwoze

Pisalema 92:10

Kambe mina u ndzi nyikile matimba ya nyarhi, u ndzi totile mafurha layo nun'hwela enhlokweni.

Pisalema 89:17

Hakunene we HOSI, wa hi tiyisa hi ndlela yo hlamarisa, hosi ya tiko ra hina ya dzuneka, hikuva wa yi tsakela.

Yeremiya 48:25

Va le Mowabu va herile matimba, ntamu wa vona a wa ha ri kona. Ndzi vula sweswo mina HOSI.”

Pisalema 148:14

Xi tiyisile Vaisraele vanhu va xona, vona hinkwavo lava va xi tshembaka, kutani va tidzunisa ha swona, hikuva xi le kusuhi na vona. Dzunisani HOSI!

Pisalema 101:8

Siku rin'wana ni rin'wana ndzi ta herisa lavo homboloka etikweni, ndzi hlongola lava endlaka leswo biha, va suka emutini wa HOSI Xikwembu.

Luka 1:69

xi hi pfuxele Muponisi wa matimba erixakeni ra Davhida nandza wa xona;

1 SAMIELE 2:1

Kutani Hana a khongela a ku: “Mbilu ya mina yi kumile ku tsaka eka HOSI, matimba ya mina ma pfuxiwile hi Xikwembu xanga. Nomo wa mina wu sandza valala va mina, ndzi tsakile hikuva HOSI yi ndzi ponisile.