Pisalema 74:9 - BIBELE Mahungu Lamanene

⁹ A wa ha vonaki exikarhi ka hina, ni vaprofeta va nyamalarile, kutani a ku na munhu exikarhi ka hina la tivaka leswaku swi ta hela rini.

Xitsonga (Bibele)

⁹ A ha ha voni swikombiso swa hina, A ka ha ri na muprofeta; Exikarhi ka hina, a ku na la tivaka leswaku ku ta yisa kwihi.

Pisalema 74:9 Referans Kwoze

Amosi 8:11

HOSI N'wini wa hinkwaswo ú vula sweswo ú ri: “Vonani, masiku ma ta, lawa ndzi nga ta vanga ndlala etikweni; a yi nga vi ndlala ya vuswa, kumbe torha ra mati, kambe ndlala ni torha ra ku lava marito ya mina HOSI.

Ezekiele 7:26

Makhombo ma ta khandzakanya, mahungu ya wona ma landzelelana. Lava kombelaka swivono eka vaprofeta, a va nga swi kumi, vaprista a va nga ha dyondzisi milawu, ni vakulukumba va ta tshika ku tsundzuxa van'wana.

1 SAMIELE 3:1

Mufana Samiele a a tirhela HOSI Xikwembu a ri hansi ka Heli. Eminkarhini yoleyo, rito ra HOSI a ri kala ngopfu; swivono a swi nga tali ku va kona.

Mikiya 3:6

“Nivusiku, a mi nga ha vi na swivono, ni ku vhumbha a mi nga ha vhumbhi; mi ta gugurhuteka ninhlekanhi, wonge hiloko dyambu ri perile khale.

Swirilo 2:9

Timbanti ta Yerusalema ti dyiwile hi muhlwa ti wa, Xikwembu xi tshovelerile ni timhingu to goga ha tona. Mufumi wa tiko ni tindhuna ta yena va hangalakile va ya ematikweni man'wana, sweswi a ka ha ri na nawu. Hambi va ri vaprofeta va kona, HOSI Xikwembu a xa ha va kombi nchumu.

Eksoda 12:13

Loko mi ri n'wina, swi ta tikomba hi ngati lomu mi nga ta va mi ri kona; loko ndzi vona ngati, ndzi ta hundza ntsena ndzi nga mi khumbi. Khombo a ri nga mi weli ri mi herisa, loko ndzi ri karhi ndzi lovisa tiko ra Egipta.

Vaheveru 2:4

Xikwembu na xona a xi ri karhi xi tiyisa vumbhoni bya kona hi ku endla swikombiso ni swihlamariso ni mahlori ya tinxaka-xaka, ni ku avela tinyiko ta Moya lowo Kwetsima hi ku rhandza ka xona.

Ezekiele 20:12

Ndzi va nyikile ni masiku ya Savata, leswaku ma va mfungho wa ntwanano wa mina na vona, va ta tiva leswaku loyi a va hlawulekisaka, hi mina HOSI.

Vaavanyisi 6:17

Gidiyoni a ku: “Loko u ndzi tsakela, ndzi nyike xikombiso xa leswaku marito lawa ma huma eka wena hakunene.

Mikiya 3:7

Vamavonakule va ta nyuma, vavhumbhi va khomiwa hi tingana; hinkwavo va ta languta hansi, hikuva a ndzi nga va hlamuli mina Xikwembu.”