Pisalema 74:18 - BIBELE Mahungu Lamanene

¹⁸ We HOSI, tsundzuka leswaku valala va wena va ku sandza, vatiarisi lava va tlanga hi vito ra wena.

Xitsonga (Bibele)

¹⁸ Tsundzuka leswaku nala wa sandza, Yehovha, Tiko leri nga riki na mano ri sola vito ra wena.

Pisalema 74:18 Referans Kwoze

Pisalema 39:8

Ndzi kutsule eku tiariseni ka mina hinkwako, u nga pfumeli leswaku swiphukuphuku swi tlanga hi mina.

Nhlavutelo 16:19

Muti lowukulu wu handzuka wu huma swivandla swinharhu, kutani miti ya vamatiko yi hindzimuka. Xikwembu xi tsundzuka Babilona, muti lowukulu, ku wu nwisa xinwelo xa vhinyo ya vukari lebyikulu bya xona, wu minya.

Duteronoma 32:6

Xana hi yona ndlela leyi mi hakelaka HOSI Xikwembu ha yona, ke? Maphuphula ndzin'wina, vanhu vo ke mano, xana a hi xona xi nga Tata wa n'wina, yena loyi a mi vumbeke ke? Muendli ni mulweri wa n'wina, a hi xona ke?

Ezekiele 20:14

kambe leswi a ndzi swi endlanga, hikuva a ndzi lavanga ku sorisa vito ra mina exikarhi ka vamatiko, va nga vanhu lava va ndzi voneke loko ndzi humesa Vaisraele etikweni ra Egipta.

Pisalema 137:7

We HOSI, u nga tshuki u rivala leswi vanhu va le Edomu va swi vuleke, siku muti wa Yerusalema wu hlaseriweke. Va huwelerile va ku: “Fayani! Fayani muti lowu, mi faya ni masungulo ya wona!”

Pisalema 74:22

We Xikwembu, suka u yima u vulavula hi wexe, tsundzuka leswaku vatiarisi lava va le ku ku sandzeni minkarhi hinkwayo.

Pisalema 41:1

Ku katekile munhu loyi a anakanyaka swisiwana; siku a welaka ekhombyeni, HOSI Xikwembu xa n'wi lamulela,

Duteronoma 32:27

kambe ndzi chavile leswaku valala va vona va nga swi teka hi ndlela leyi nga riki yona, kutani va ndzi hlekula, va ku: Hi hlurile hi matimba ya hina, a hi HOSI Xikwembu lexi xi endleke hinkwaswo leswi!’

2 TIHOSI 19:4

Kumbexana HOSI Xikwembu xa wena xi twile marito hinkwawo ya Rhabi-Xake, loyi n'wini wa yena hosi ya le Asiriya yi n'wi rhumeke ku ta sandza Xikwembu lexi hanyaka. Kumbexana HOSI Xikwembu xa wena xi ta rihiseta marito lawa xi ma tweke. Hikokwalaho, khongelela vanhu va nga ri vangani lava saleke kwala.”

2 TIKRONIKA 32:19

Xikwembu xa Yerusalema, Vaasiriya a va vulavula ha xona ku fana ni loko va vulavula hi swikwembu swin'wana swa vamatiko, leswi endliweke hi mavoko ya vanhu.

Swirilo 5:1

We HOSI, tsundzuka leswi swi hi humeleleke; languta, u vona tingana ta hina.

Ezekiele 35:13

Mi lwile na mina hi ku tikurisa ngopfu, mi nga hlawuli marito loko mi vulavula, kambe mina ndzi mi twile!