Pisalema 74:13 - BIBELE Mahungu Lamanene

¹³ U miyetile lwandle hi matimba ya wena, swiharhi leswikulu swa le matini u swi fayile tinhloko,

Xitsonga (Bibele)

¹³ Hi wena la nga avanyisa lwandle hi matimba ya wena, U fayile tinhloko ta madragona ematini,

Pisalema 74:13 Referans Kwoze

Eksoda 14:21

Muxe a tlakusela voko ra yena ehenhla ka lwandle; kutani HOSI Xikwembu xi tlhengusa mati ya lwandle hi ku hungisa moya lowukulu vusiku hinkwabyo, wu huma evuxeni; mati ma avana hi le xikarhi, ehansi ku sala ku omile,

Pisalema 78:13

Xi avanisile mati ya lwandle, ma endla tindhundhuma ematlhelweni mambirhi, kutani xi va tsemakanyisa, va hundza.

Ezekiele 29:3

N'wi byele leswaku mina HOSI N'wini wa hinkwaswo ndzi ni rito eka yena leri nge: “Wena Faro hosi ya le Egipta, ndzi lwa na wena! Loko u tshamile eswinambyaneni swa wena ku fana ni dragona nyoka ya lwandle, u tshamela ku vula u ku: ‘Nambu wa Nilo i wa mina, hi mina ndzi wu endleke!’

Ezekiele 32:2

“Wena munhu, suma risimu ra xirilo, u rila Faro hosi ya le Egipta hi marito lama nge: “Wena Faro, a wu tifananisa ni nghala ematikweni, kasi a wu ri dragona nyoka ya le lwandle, u hlambela emilambyeni ya wena, u kandziya ndzhope, u thyakisa mati ya xinambyana!

Pisalema 66:6

Xi hundzule lwandle ri va tiko leri omeke, vanhu va tsemakanyile nambu hi milenge. Hikokwalaho, a hi xi beleni nkulungwana!

Nehemiya 9:11

U endlile leswaku mati ya lwandle ma avana hi le xikarhi, kutani va tsemakanya hi laha ku omeke. Lava a va va hlongorisa u va hoxile exidziveni lexo enta va wela ku fana ni ribye leri hoxiweke emagandlatini.

Eksoda 14:28

Kutani mati ma vuya, ma khubumeta makalichi, ni vagadi va tihanci, ni mavuthu ya Faro hinkwawo lawa a ma nghenile elwandle ma landza Vaisraele; a ku salanga munhu ni un'we.