Pisalema 74:1 - BIBELE Mahungu Lamanene

¹ We Xikwembu, xana u hi tshikele yini? U nga va u hi tshikele makumu xana? Xana u hi hlundzukelela yini, hina hi nga ntlhambi lowu u wu risaka, xana?

Xitsonga (Bibele)

¹ Oho Xikwembu, u hi cukumetele makumu ha yini-ke? U karihele ntlhambi lowu u wu risaka hikwalaho ka yini?

Pisalema 74:1 Referans Kwoze

Duteronoma 29:20

Munhu wo tano, HOSI Xikwembu xi nga ka xi nga n'wi rivaleli; vukari bya xona byi ta pfurha ehenhla ka yena, hikuva xi na rilaveta; ú ta weriwa hi makhombo lama tsariweke ebukwini leyi, ku kondza HOSI Xikwembu xi n'wi herisa, a nyamalalela makumu.

Pisalema 100:3

Tivani leswaku HOSI i Xikwembu, hi xona xi hi endleke, a hi lo tiendla. Hina hi vanhu va xona, ni tinyimpfu leti xi ti risaka.

Pisalema 79:13

Kutani hina vanhu va wena, hi ntlhambi lowu u wu risaka; hi ta ku tlangela, hi twarisa ku dzuneka ka wena hilaha ku nga heriki.

Pisalema 95:7

hikuva hi xona xi nga Xikwembu xa hina, hi vanhu lava xi va risaka ni ntlhambi lowu xi wu fambisaka. Namuntlha hi wo nkarhi! Yingisani leswi xi mi byelaka swona! Xi ri:

Pisalema 44:9

Hambiswiritano, u hi tshikile u hi khomisa tingana, mavuthu ya hina a wu yanga na wona enyimpini.

Luka 12:32

“Mi nga chavi n'wina va ntlhambinyana, hikuva Tata wa n'wina ú tsakele ku mi nyika Mfumo.

Ezekiele 34:31

“Hakunene hi n'wina Vaisraele mi nga ntlhambi wa mina ni vanhu lava ndzi va risaka, kutani mina ndzi Xikwembu xa n'wina. Ndzi vula sweswo mina HOSI N'wini wa hinkwaswo.”

Yeremiya 31:37

Siku matilo ma nga ta pimiwa, ku kumiwa ni masungulo ya misava, hi kona ndzi nga ta cukumeta Vaisraele hinkwavo, hikwalaho ka swilo hinkwaswo leswi va swi endleke. Ndzi vula sweswo mina HOSI.”

Yeremiya 23:1

HOSI Xikwembu xi ri: “Mi ni khombo n'wina varisi lava dlayaka ni ku hangalasa tinyimpfu ta mina.

Pisalema 79:5

We HOSI, xana u ta hi hlundzukela ku fikela rini? Xana vukari bya wena byi ta pfurha kukota ndzilo hilaha ku nga heriki xana?

Pisalema 77:7

“Xana N'wini wa hinkwaswo ú hi tshikele makumu ke? Xana a nge he tlheli a hi amukela xana?

Pisalema 42:11

We moya wanga, ú tlhavekela yini xana? U vavisekela yini endzeni ka mina ke? Tshemba Xikwembu! Mina ndza ha ta xi dzunisa, xona Xikwembu xanga, muponisi wanga wa xiviri.

Ezekiele 34:8

Yena N'wini wa hinkwaswo ú tiyisa a ku: “Tinyimpfu ta mina ti khomiwile hi swiharhi swa tinxaka-xaka ti dyiwa ha swona, hikuva a ti pfumala varisi; leti nga lahleka, varisi a va ti landzanga va vuya na tona, hikuva a va anakanya ntsena ku tihlayisa vona vinyi ematshan'weni ya ku hlayisa tinyimpfu ta mina!”

Pisalema 78:1

N'wina vanhu va mina, twanani leswi ndzi lavaka ku mi dyondzisa swona, rhiyani ndleve mi yingisa leswi ndzi swi vulaka.

Pisalema 60:10

loko ku nga ri wena Xikwembu! Kasi u hi tshikile, mavuthu ya hina a wa ha fambi na wona enyimpini!

Pisalema 60:1

We Xikwembu, u hi cukumetile, u hi hangalasile, hikuva a wu hlundzukile, kambe sweswi, tlhela u hi pfuxa.

Pisalema 42:9

Ndzi ta vutisa Xikwembu, ribye ra mina, ndzi ku: “U ndzi tshikele yini? Hikwalaho ka yini ndzi famba tanihi muferiwa, ndzi ri karhi ndzi xanisiwa hi valala va mina xana?”

Pisalema 18:8

Tinhompfu ta yona ti huma musi, ni nomo wa yona wu huma ndzilo lowu herisaka, makala lama vuvumelaka ma huma eka yona.

Pisalema 10:1

We HOSI, u yimele yini ekule xana? Eminkarhini ya mahlomulo, u tifihlela yini xana?

Eksoda 32:11

Kambe Muxe a kombela HOSI Xikwembu hi matimba, a ku: “We HOSI, hikwalaho ka yini vukari bya wena byi pfurhela vanhu va wena lava u va humeseke etikweni ra Egipta hi matimba lamakulu ni voko leri tiyeke, xana?

2 TIHOSI 21:14

Ndzi ta fularhela vanhu va mina lava nga ta va va ha sele, ndzi va nyiketa emavokweni ya valala va vona hinkwavo, leswaku valala lava va va hlula ni ku va endla mahlonga.

Pisalema 50:1

HOSI Xikwembu xa matimba hinkwawo xi vulavurile xi rhamba vanhu hinkwavo, ku sukela evuxeni ku ya fika evupeladyambu.

Pisalema 77:8

Xana rirhandzu ra yena ri lo nyamalala ke? Xana switshembiso swa yena swi lo helela empfhukeni xana?

Pisalema 80:5

Mahlomulo i swakudya leswi u hi phamelaka swona, u hi nwisile mihloti hi xinwelo lexi khapaka.

Pisalema 85:6

Leswi hi nga vanhu va wena, a wu nga tlheli u hi nyika vutomi leswaku hi ta titsakela eka wena xana?

Esaya 64:8

“Hambiswiritano, we HOSI, u tata wa hina; hina hi vumba, muvumbi hi wena, hinkwerhu hi endliwile hi wena.

Swirilo 5:22

Xana u nga va u hi tshikele makumu, u nga va u hi hlundzukele hilaha ku nga heriki xana?