Pisalema 73:3 - BIBELE Mahungu Lamanene

³ hikuva ndzi naverile swa lavo homboloka, lava humelelaka hambileswi va tikurisaka ngopfu.

Xitsonga (Bibele)

³ Hikuva a ndzi navela lava tidzunisaka, Loko ndzi vona ku tsaka ka lavo biha.

Pisalema 73:3 Referans Kwoze

Ntirho 21:7

“Hikwalaho ka yini lavo homboloka va hanya, va tshama va tiyile va ko va dyuhala ke?

Yeremiya 12:1

We HOSI, u Xikwembu xo lulama, ndzi nge kanetani na wena, hambiswiritano ndzi ni timhaka leti ndzi lavaka ku ku vutisa tona: Hikwalaho ka yini lavo homboloka va kateka emintirhweni ya vona, vakanganyisi va hanyela yini emafurheni xana?

Swivuriso 23:17

Vadyohi, u nga va naveli, kambe minkarhi hinkwayo, chava HOSI Xikwembu,

Pisalema 37:7

Loko u ri emahlweni ka HOSI Xikwembu, miyela u langutela xona; lava humelelaka etindleleni ta vona, kumbe lava endlaka makungu layo biha, u nga tipandzisi nhloko hi vona.

Pisalema 37:1

U nga tshuki u tipandzisa nhloko hikwalaho ka vanhu lavo homboloka; vadyohi, u nga tshuki u va vondzoka!

Swivuriso 24:1

Vanhu vo biha timbilu, u nga va naveli, u nga naveli ni ku tshama na vona,

Yakobo 4:5

Kumbe, xana mi ehleketa leswaku Tsalwa ri vula swa hava, loko ri ku: “Xikwembu xi vavisekela ngopfu moya lowu xi wu endleke leswaku wu aka eka n'wina” xana?

Swivuriso 3:31

U nga tshuki u navela munhu wa tinyimpi, ni mikhuva ya yena, u nga yi tekeleli,

Ntirho 12:6

Emitini ya swigevenga, ku tsakiwile; lava rhuketelaka Xikwembu, va tshamisekile, va ri, xona xi le mavokweni ya vona.

Ntirho 17:8

Lava tivonaka va lulamile, va tsemeka nhlana, vona va nga riki na nandzu, va vilela, va ri, a ndzi chavi Xikwembu.

Ntirho 24:23

Xi nga va tshika va titwa va hlayisekile, kambe xi le ku xiyaxiyeni ka tindlela ta vona.

Pisalema 10:5

Leswi a swi endlaka swi tshama swi ri karhi swi nyuka; ku avanyisa ka wena HOSI, ku le henhla ngopfu, laha yena a nga ku voniki; valala va yena wa va nyefula.

Eklesiasta 7:15

Emasikwini yo koma ya ku hanya ka mina, ndzi vonile swilo leswo tala: Munhu wo lulama ú hatla a fa hambileswi a lulameke, kasi lowo homboloka ú hanya malembe eku hombolokeni ka yena.

Malakiya 3:15

Hina hi vona leswi: Lava tikurisaka, hi vona va katekaka, lavo biha va humelela; hambiloko va ringa Xikwembu, xona a xi va bi!’ ”