Pisalema 73:24 - BIBELE Mahungu Lamanene

²⁴ u ndzi fambisa hi swiletelo swa wena, kutani eku heteleleni, u ta ndzi amukela eku dzunekeni ka wena.

Xitsonga (Bibele)

²⁴ U ta ndzi fambisa hi ku tsundzuxa ka wena, Kutani u ta ndzi amukela eku kwetsimeni.

Pisalema 73:24 Referans Kwoze

Pisalema 32:8

HOSI Xikwembu xi ri: “Ndzi ta ku dyondzisa, ndzi ku komba ndlela leyi u fanelaka ku famba ha yona; ndzi ta ku letela, ndzi nga ka ndzi nga tshiki ku ku lwela.

Esaya 58:11

Mina HOSI, ndzi ta mi rhangela emahlweni minkarhi hinkwayo, ndzi mi nyika swilo hinkwaswo leswinene leswi mi swi navelaka, ndzi tlhela ndzi mi tiyisa; mi ta fana ni ntanga lowu kumaka mati yo ringana, mi kota xihlovo lexi mati ya xona ma nga phyiki.

Pisalema 48:14

“Lexi hi xona Xikwembu, Xikwembu xa hina hilaha ku nga heriki; xi ta hi komba tindlela minkarhi hinkwayo.”

Esaya 48:17

Mukutsuri wa n'wina, HOSI Xikwembu, Muhlawuleki wa Israele, ú vurisa sweswo, ú ri: “Hi mina HOSI Xikwembu xa n'wina, lexi xi mi dyondzisaka ku endla leswi swi nga ta mi vuyerisa, ndzi mi komba ni ndlela leyi mi fanelaka ku hanya ha yona.

Esaya 30:21

Loko mi tshuka mi hambuka endleleni, mi ya exineneni kumbe eximatsini, mi ta twa rito leri taka hi le ndzhaku ka n'wina, ri ku: “Ndlela hi leyi, khomani yona!”

Pisalema 25:9

Xi dyondzisa lava titsongahataka ku endla leswo lulama, xi va komba ni tindlela ta xona.

Yakobo 1:5

Loko un'wana wa n'wina a pfumala vutlhari, a a kombele eka Xikwembu, lexi nyikaka vanhu hinkwavo hi tintswalo, ku nga ri na ku vilela, kutani ú ta nyikiwa byona.

Yohane 16:13

Kasi loko yoloyi a ta, a nga Moya wa ntiyiso, ú ta mi fambisa endleleni hinkwayo ya ntiyiso; hikuva a nga ka a nga vulavuri swo huma emiehleketweni ya yena; kambe xin'wana ni xin'wana lexi a xi twaka, ú ta xi vula; naswona ú ta mi tivisa leswi swi nga ta ta.

Esaya 58:8

Loko mi endla sweswo, minkateko yi ta mi tela kukota vurhonga, mi ta hatla mi horisiwa; mi ta rhangeriwa hi mintirho ya n'wina leyo lulama, kutani mina HOSI ndzi ta mi sirhelela matlhelo hinkwawo hi ku kwetsima ka mina.

Pisalema 84:11

HOSI Xikwembu i khokholo ni xitlhangu, xi avela vanhu tintswalo ni ku dzuneka; lava hanyaka hi ndlela leyi nkhensekaka, HOSI Xikwembu xi va nyika minkateko.

Pisalema 49:15

Kambe mina, Xikwembu xi ta ndzi kutsula ematimbeni ya xivandla xa vafi, hakunene xi ta ndzi amukela.

Pisalema 16:7

Ndzi tlangela HOSI, yona leyi yi ndzi letelaka; nivusiku ripfalo ri ndzi tsundzuxa ta yona.

Yohane 17:5

Sweswi Tatana, ndzi dzunise emahlweni ka wena hi ku dzuneka loku a ndzi ri na kona eka wena, misava yi nga si va kona.

Yohane 17:24

Tatana, ndzi lava leswaku hinkwavo lava u ndzi nyikeke vona, va va na mina laha ndzi nga kona; va ta hamba va hlalela ku kwetsima ka mina loku u ndzi nyikeke kona, hikuva u ndzi rhandzile misava yi nga si tumbuluka.

Yohane 14:3

Loko ndzi yile ku ya mi lunghisela kona, ndzi ta vuya; kutani ndzi ta mi teka mi ta ka mina, leswaku laha ndzi nga kona, mi va kona na n'wina.

Luka 11:13

Kutani ke, leswi n'wina mi nga vanhu va tihanyi, mi tivaka ku nyika vana va n'wina swilo leswinene, xana Tatana wa le tilweni a nge tlurisi ngopfu ku nyika Moya lowo Kwetsima eka lava kombelaka ka yena xana?”

Swivuriso 8:20

Gondzo leri ndzi fambaka ha rona ri yisa eka leswo lulama, i ndlela leyi kongomaka emilawini leyinene.

2 Vakorinto 5:1

Ha swi tiva leswaku, loko ntsonga lowu hi nga eka wona, wu nga miri wa hina wa la misaveni, wu onhaka, hi ni vuako lebyi Xikwembu xi hi lunghiseleke byona, yi nga yindlu leyi nga akiwangiki hi mavoko, leyi nga heriki, ya le matilweni.

Luka 23:46

Kutani Yesu a huwelela hi rito leri tlakukeke, a ku: “Tatana, ndzi nyiketa moya wa mina emavokweni ya wena.” Loko a vurile sweswo, a hlala a fa.

Timhaka 7:59

Kakuloko va ri karhi va n'wi khandla hi maribye, Stefano a khongela, a ku: “Hosi Yesu, amukela moya wa mina!”

Tinhlayo 9:22

Vaisraele a va tshama laha va goveke kona, va nga suki, hambiloko papa ri khubumeta Ntsonga ri tshama masiku mambirhi, kumbe n'hweti, kumbe ku tlula n'hweti; kambe loko papa ri suka, na vona a va suka.

Duteronoma 18:2

A va nga vi na ndzhaka exikarhi ka vamakwavo; HOSI Xikwembu hi yona ndzhaka ya vona, hilaha xi va tshembiseke hakona.