Pisalema 72:8 - BIBELE Mahungu Lamanene

⁸ Mfumo wa yena a wu nave ku sukela eka lwandle rin'wana, wu ya fika eka lerin'wana; a wu sukele enambyeni wa Yufrata, wu ya fika evugimamusi.

Xitsonga (Bibele)

⁸ Yi ta fuma ku sukela elwandle rin'wana ku ya fika eka rin'wana, Ni ku sukela enambyeni, ku ya fika emakun'wini ya misava.

Pisalema 72:8 Referans Kwoze

Zakariya 9:10

Xikwembu xi ri: “Ndzi ta hangalasa makalichi ya nyimpi ma suka etikweni ra Efrayimi, ni tihanci ta nyimpi ndzi ta ti susa eYerusalema; mavurha ya masocha ma ta tshoviwa, hikuva loyi a taka, ú ta twarisa ku rhula ematikweni. Mfumo wa yena wu ta nava ku suka eka lwandle rin'wana, ku ya fika eka lerin'wana; wu ta sukela enambyeni wa Yufrata, wu ya fika endzilekaneni wa tiko ra Egipta.”

Eksoda 23:31

Ndzi ta ba mindzilekana ya tiko ra n'wina yi sukela eka Lwandle-ro-Tshwuka ku ya fika eLwandle ra Vafilista, ni ku suka emananga ya Sinayi ku ya fika enambyeni wa Yufrata, hikuva ndzi ta nyiketa vaaki va tiko emavokweni ya n'wina, mi va hlongola va suka emahlweni ka n'wina.

Pisalema 89:25

Ndzi ta navisa mfumo wa yena wu ya fika elwandle, ndzi ta wu perisa ni milambu.

Pisalema 80:11

wu phaka marhavi ma fika eLwandle ra Mediteraniya, man'wana ma fika enambyeni wa Yufrata.

Pisalema 2:8

Kombela eka mina, kutani ndzi ta ku nyika matiko ma va ndzhaka ya wena, misava hinkwayo yi ta va ya wena ku ya fika evugimamusi.

Nhlavutelo 11:15

Hiloko ntsumi ya vu-7 yi chaya nanga ya yona, kutani ku twakala ni marito lama huwelelaka hi le tilweni ma ku: “Matimba ya ku fuma misava, sweswi ma nyikiwile Hosi ya hina ni Mesiya wa yona, kutani ú ta fuma hilaha ku nga heriki.”

Pisalema 89:36

Va ka vona va ta fuma hilaha ku nga heriki, vuhosi bya yena byi ta va kona minkarhi hinkwayo kukotisa dyambu.

1 TIHOSI 5:1

Hiramu hosi ya Tiri a twa leswaku Solomoni ú nyikiwile vuhosi bya tata wa yena hi ku cheriwa mafurha enhlokweni; hiloko a rhumela malandza ya yena eka Solomoni, hikuva hi minkarhi hinkwayo Hiramu a a ri nakulobye wa Davhida.