Pisalema 72:7 - BIBELE Mahungu Lamanene

⁷ A ku ve ni ku lulama enkarhini wa ku fuma ka yena, ku rhula ku va kona ku kondza n'weti wu nga ha vonaki.

Xitsonga (Bibele)

⁷ Emasikwini ya yona, lowo lulama u ta hluka; Ni ku rhula ku ta andza, n'weti wu ko wu nga ha ri kona.

Pisalema 72:7 Referans Kwoze

Esaya 2:4

HOSI Xikwembu xi ta avanyisa timhaka ta matiko, hi xona xi nga ta tsema milandzu ya vanhu lavo tala; kutani va ta fula matlhari ya vona va endla swikomu, va endla ni mikwana yo khutulela ha yona; tiko rin'wana ri nga ka ri nga ha pfuki rin'wana, ni vanhu a va nga ha dyondzisiwi ku lwa nyimpi.

Malakiya 4:2

Kambe n'wina lava chavaka vito ra mina, ndzi ta mi komba ntamu wa mina wa ku ponisa; Wu ta fana ni dyambu leri miseve ya rona yi horisaka mavabyi. Mi ta ntshunxiwa mi tlalamba kukota marhole loko ma huma etshangeni.

Pisalema 92:12

Lavo lulama va ta mila kukota ncindzu, va ta kula ku fana ni murhi wa kedari wa le Lebanoni.

Luka 2:14

“Ku dzuneka a ku ve eka Xikwembu ematilweni ya le henhla-henhla, ku rhula a ku ve emisaveni eka vanhu lava xi va tsakelaka.”

Esaya 60:22

Mindyangu leyitsongo yi ta kula swinene, yi va ni vanhu va magidi-gidi. Loko nkarhi wu ta va wu fikile, ndzi ta endla leswaku swilo leswi swi hatla swi humelela. Hi mina HOSI!”

Timhaka 4:32

Nhlengeletano ya lava pfumeleke a yi ri mbilu yin'we ni moya wun'we; a ku nga ri na munhu ni un'we loyi a a vula leswaku swilo leswi a nga na swona hambi xi ri xin'we xa swona, i swa yena ntsena; kambe swilo hinkwaswo a va ku, i swa vona hinkwavo.

Luka 1:33

Ú ta fuma rixaka ra Yakobo hilaha ku nga heriki; vuhosi bya yena byi nga ka byi nga vi na makumu.”

Daniele 2:44

“Eminkarhini ya tihosi leti, Xikwembu xa le matilweni xi ta simeka mfumo lowu wu nga ta ka wu nga wisi hi munhu, naswona vuhosi bya wona a byi nga nyikiwi vanhu van'wana. Mfumo lowu wu ta wisetela mimfumo leyin'wana hinkwayo, wu yi herisela makumu; kutani wona wu ta va kona hilaha ku nga heriki.

Esaya 60:1

We Yerusalema, suka u yima u vangama, hikuva ku vonakala ka wena ku tile, ni ku dzuneka ka HOSI Xikwembu ku le henhla ka wena.

1 TIHOSI 4:25

Enkarhini hinkwawo wa ku fuma ka Solomoni, vanhu va Yuda na Israele a va hanya hi ku rhula va hlayisekile, ku sukela eDani ku fikela eBerexeba, un'wana ni un'wana a titshamele endzhutini wa murhi wa yena wa vhinya, kumbe endzhutini wa nkuwa wa yena.

1 TIHOSI 5:4

Kambe masiku lawa, HOSI Xikwembu xa mina xi ndzi nyikile ku rhula matlhelo hinkwawo. Ndzi hava nala; hambi xi ri xo hiha, ndzi hava ni xin'we.

Zakariya 9:10

Xikwembu xi ri: “Ndzi ta hangalasa makalichi ya nyimpi ma suka etikweni ra Efrayimi, ni tihanci ta nyimpi ndzi ta ti susa eYerusalema; mavurha ya masocha ma ta tshoviwa, hikuva loyi a taka, ú ta twarisa ku rhula ematikweni. Mfumo wa yena wu ta nava ku suka eka lwandle rin'wana, ku ya fika eka lerin'wana; wu ta sukela enambyeni wa Yufrata, wu ya fika endzilekaneni wa tiko ra Egipta.”