Pisalema 72:15 - BIBELE Mahungu Lamanene

¹⁵ Mufumi wa tiko a a hanye malembe layo tala, vanhu va n'wi luva hi nsuku wa le Xeba; a va n'wi khongelele minkarhi hinkwayo, masiku hinkwawo va kombela leswaku Xikwembu xi n'wi katekisa.

Xitsonga (Bibele)

¹⁵ Vona va ta hanya, va ta yi nyika nsuku wa Xeba; Va ta yi khongelela hi mikarhi hinkwayo, ni ku yi katekisa hi masiku.

Pisalema 72:15 Referans Kwoze

1 TIHOSI 10:14

Hi lembe rin'we ntsena Solomoni a a tiseriwa nsuku lowu tikaka ku tlula tithani ta 25.

Yuda 1:25

eka xona Xikwembu xi ri xin'we, muponisi wa hina ha Yesu Kriste Hosi ya hina, ku ni ku twala, ni vukulukumba, ni ku fuma, ni matimba, ku sukela eminkarhini hinkwayo leyi hundzeke, ni sweswi, ni hilaha ku nga heriki. Amen.

Nhlavutelo 1:18

ni loyi a hanyaka. A ndzi file, kambe vona, sweswi ndzi loyi a hanyaka hilaha ku nga heriki. Ndzi ni swilotlelo swa rifu ni swa xivandla xa vafi.

1 Yohane 1:2

Vutomi byi tikombile eka swona, kutani hi byi vonile. Hi timbhoni ta byona, kutani ha mi tivisa ta vutomi bya kona lebyi nga heriki, lebyi a byi ri eka Tatana, kutani byi kombiwile eka hina.

2 Petro 3:18

Kambe kulani, mi ri etintswalweni ni le ku tiveni ka Yesu Kriste, Hosi ya hina ni Muponisi wa hina. Eka yena a ku ve ku twala sweswi, ni ku ya fika esikwini leri nga heriki. Amen!

2 Timotiya 4:22

Hosi a yi ve ni moya wa wena. Tintswalo a ti ve na wena.

1 Vatesalonika 3:11

Mawaku loko hi nga pfuleriwa ndlela yo ta kwaleyo ka n'wina, hi Xikwembu Tata wa hina hi xiviri xa xona, swin'we ni Hosi ya hina Yesu.

Vafilipiya 2:11

ni tindzimi hinkwato ti vula leswaku Yesu Kriste i Hosi, eku dzuniseni ka Xikwembu Tatana.

Esaya 60:6

Mintlhambi leyikulu ya tikamela yi ta fika yi ku mbhombhela yi huma eMidiyani ni le Efa; hinkwavo va le Xeba va ta fika va rhwele nsuku ni mirhi ya risuna, va twarisa HOSI Xikwembu, va xi dzunisa.

Yohane 14:19

Endzhaku ka nkarhinyana, misava a yi nga ha ndzi voni, kambe n'wina mi ta ndzi vona. Leswi ndzi hanyaka, na n'wina mi ta hanya.

Yohane 11:25

Yesu a ku ka yena: “Hi mina ku pfuka ni vutomi; la pfumelaka ka mina, hambi a nga fa, ú ta hanya,

Yohane 5:23

leswaku hinkwavo va va ni xichavo eka N'wana, kukotisa leswi va nga ni xichavo eka Tatana. Un'wana ni un'wana la nga riki na xichavo eka N'wana, a nga na xichavo ni ka Tatana la n'wi rhumeke.

Matewu 21:9

Mintshungu leyi n'wi rhangeleke emahlweni, ni leyi yi n'wi landzeke hi le ndzhaku, yi huwelela yi ku: “Hozana eka N'wana Davhida! A ku dzunisiwe la taka hi vito ra Hosi! Hozana ematilweni ya le henhla-henhla!”

Matewu 6:10

a ku te ku fuma ka wena; ku rhandza ka wena a ku endliwe misaveni, tanihi loko ku endliwa tilweni.

Matewu 2:11

Kutani va nghena ndlwini, va kuma xihlangi ni mana wa xona Mariya; kwalaho va nkhinsama, va xi gandzela; kutani va ntshunxa mindzhwalo ya vona, va xi humesela tinyiko ta nsuku, ni mirhi ya risuna, ni mafurha ya mirha.

Pisalema 72:19

Minkarhi hinkwayo a ku tlangeriwe vito ra xona lero hlawuleka, ku dzuneka ka xona a ku tate misava hinkwayo. Amen! Amen!

Pisalema 45:4

Eku chavisekeni ka wena u ta humelela; famba u ya yimela ntiyiso, u avanyisa hi musa ni ku lulama; voko ra wena ra xinene a ri ku pfune ku endla leswo hlamarisa.

Pisalema 21:4

Ú komberile vutomi eka wena, kutani u n'wi nyikile, u n'wi andzisele ni masiku ya ku hanya.

2 TIKRONIKA 9:1

Ku duma ka Solomoni ku fika etindleveni ta hosi ya wansati ya tiko ra le Xeba, kutani nkosikazi leyi yi khoma ndlela yi ta eka Solomoni ku ta n'wi kambela-kambela hi swivutiso swo tika. Yi fika eYerusalema yi ri ni malandza layo tala ngopfu, ni tikamela leti rhwaleke maviriviri, ni nsuku lowo tala ngopfu, ni maribye ya nkoka. Loko yi fikile eka Solomoni, yi n'wi vutisa xin'wana ni xin'wana lexi a yi ri na xona emiehleketweni ya yona.

1 TIHOSI 10:10

Kutani nkosikazi yi nyika hosi Solomoni ensuku lowu tikaka ku tlula tithani ta 5, yi n'wi nyika ni maviriviri layo tala ngopfu, ni maribye ya nkoka. Maviriviri ya xitalo lawa nkosikazi ya le Xeba yi ma nyikeke hosi Solomoni, a ma ha kumekanga eYerusalema ni siku ni rin'we.