Pisalema 72:10 - BIBELE Mahungu Lamanene

¹⁰ Tihosi ta matiko hinkwawo ya le kule a ti n'wi humesele ndzuvo, va le Xeba ni va le Seba a va n'wi tisele tinyiko.

Xitsonga (Bibele)

¹⁰ Tihosi ta le Tarxixi ni ta swihlale ti ta tisa ndzuvo, Tihosi ta le Xeba ni ta Seba ti ta humesa tinyiko;

Pisalema 72:10 Referans Kwoze

Esaya 60:6

Mintlhambi leyikulu ya tikamela yi ta fika yi ku mbhombhela yi huma eMidiyani ni le Efa; hinkwavo va le Xeba va ta fika va rhwele nsuku ni mirhi ya risuna, va twarisa HOSI Xikwembu, va xi dzunisa.

Esaya 49:7

Mukutsuri ni Muhlawuleki wa Israele, ú vulavula ni loyi a sandziwaka ni ku vengiwa hi vanhu va matiko, yena hlonga ra tihosi, a ku ka yena: “Loko tihosi ti ku vona, ti ta suka ti yima, ni tindhuna ti ta ku dzunisa, loko ti ku vona, hikuva mina HOSI Xikwembu Muhlawuleki wa Israele, mina ndzi tshembekeke, ndzi ku hlawurile.”

Pisalema 68:29

u ri eTempeleni ya wena eYerusalema, kutani tihosi ti ta ku luva.

1 TIHOSI 10:1

Ku duma loku Solomoni a ku kumeke eku dzuniseni ka Hosi Xikwembu, ku fika etindleveni ta hosi ya wansati ya tiko ra le Xeba; kutani nkosikazi leyi yi khoma ndlela, yi ta eka Solomoni ku ta n'wi kambela-kambela hi swivutiso swo tika.

Esaya 60:9

I ta vanhu va matiko ya le kule lava va tshembaka HOSI Xikwembu; ti rhangeriwile hi tingalava to huma eTarxixi, ti vuyisa vana va wena etindhawini ta le kule, ti rhwele silivhere ni nsuku, leswaku vito ra HOSI Xikwembu xa wena ri dzunisiwa, yena Muhlawuleki wa Israele loyi a ku nyikeke ku dzuneka.

Pisalema 45:12

We nhwana wa le Tiri, lava fuweke etikweni va ta ku humesela tinyiko, va endlela leswaku u va tsakela.

2 TIKRONIKA 9:21

Mhaka hi leswaku tingalava letikulu ta hosi Solomoni a ti rhumeriwa ematikweni ya le kule, ti fambisiwa hi malandza ya Hiramu, kutani a ti tala ku vuya kan'we endzhaku ka malembe manharhu, ti rhwele nsuku, ni silivhere, ni matino ya tindlopfu, ni tihavu, ni tiphikoko.

Genesa 10:7

Vana va Kuxi hi lava: Seba, na Havhila, na Sabita, na Rhama, na Sabiteka. Vana va Rhama hi lava: Xeba na Dedani.

Matewu 2:11

Kutani va nghena ndlwini, va kuma xihlangi ni mana wa xona Mariya; kwalaho va nkhinsama, va xi gandzela; kutani va ntshunxa mindzhwalo ya vona, va xi humesela tinyiko ta nsuku, ni mirhi ya risuna, ni mafurha ya mirha.

Esaya 60:3

Kutani vanhu va matiko man'wana va ta ta eku vonakaleni ka wena, tihosi ta vona ti ta ta loko ti ku vona u lo nghéé, kukotisa dyambu.

Esaya 43:6

Ndzi ta lerisa matiko ya le n'walungwini ni ya le dzongeni, leswaku ma tshika vanhu va ka n'wina va vuya, ma nga va siveli; ndzi ta ku: ‘Tshikani vana va mina va xinuna ni va xisati va vuya, a va suke ematlhelo hinkwawo ya misava,

Esaya 43:3

hikuva mina HOSI Xikwembu xa n'wina, Muhlawuleki wa Israele, ndzi muponisi wa n'wina; ndzi ta mi kutsula hi ku nyiketa Vaegipta, ni Vaetiyopiya ni va le Seba eka valala va n'wina.

Esaya 42:10

Sumani risimu lerintshwa, mi yimbelelela HOSI Xikwembu; n'wina vanhu va misava hinkwayo, xi twariseni! Xi dzuniseni n'wina mi fambaka elwandle, na n'wina swivumbiwa hinkwaswo leswi nge ka rona; yimbelelani na n'wina mi tshamaka ematikweni ya le kule.

Esaya 42:4

A nga ka a nga heli matimba a lan'wa; ú ta kondza a tisa ku lulama emisaveni. Vanhu va matiko ya le kule va le ku languteleni ka leswi a nga ta va dyondzisa swona.”

1 TIHOSI 10:25

Un'wana ni un'wana loyi a n'wi endzelaka, a a ta ni nyiko, yo kota swilo swa silivhere kumbe nsuku, ni swiambalo, ni matlhari, ni maviriviri, ni tihanci, ni timeyila. A swi endlisiwa sweswo lembe rin'wana ni rin'wana.

1 TIHOSI 10:10

Kutani nkosikazi yi nyika hosi Solomoni ensuku lowu tikaka ku tlula tithani ta 5, yi n'wi nyika ni maviriviri layo tala ngopfu, ni maribye ya nkoka. Maviriviri ya xitalo lawa nkosikazi ya le Xeba yi ma nyikeke hosi Solomoni, a ma ha kumekanga eYerusalema ni siku ni rin'we.

1 TIHOSI 10:2

Yi fika eYerusalema yi ri ni malandza layo tala ngopfu, ni tikamela leti rhwaleke maviriviri, ni nsuku lowo tala ngopfu, ni maribye ya nkoka. Loko yi fikile eka Solomoni, yi n'wi vutisa xin'wana ni xin'wana lexi a yi ri na xona emiehleketweni ya yona.

Estere 10:1

Hosi Ahasuwerusi a lerisa leswaku vaaki hinkwavo va swifundzha swa matiko ya yena ku ya fika eribuweni ra lwandle va n'wi humesela ndzuvo.

Pisalema 68:30

Tshinya swiharhi swa le nhlangeni, ntlhambi lowu wa tinkuzi, va nga Vaegipta lava fumaka matiko, lava kandziyelaka van'wana ehansi va lava mali. Hangalasa vanhu lava vo tsakela tinyimpi!