Pisalema 72:1 - BIBELE Mahungu Lamanene

¹ We Xikwembu, komba hosi ya tiko ndlela yo lulama, u dyondzisa loyi vuhosi byi nga bya yena maavanyisele lamanene,

Xitsonga (Bibele)

¹ Oho Xikwembu! Nyika hosi swiavanyiso swa wena, Ni ku lulama ka wena eka n'wana wa hosi,

Pisalema 72:1 Referans Kwoze

Esaya 11:2

Moya wa HOSI Xikwembu wu ta tshama eka yena, wu nga Moya lowu nyikaka vutlhari ni ku twisisa, Moya wo tsundzuxa, wo susa vutoya, Moya lowu pfunaka ku tiva HOSI Xikwembu ni ku xi chava.

2 TIKRONIKA 1:10

Ndzi kombela ku nyikiwa vutlhari ni ku twisisa, ndzi ta kota ku fambisa vanhu lava, hikuva va tele ngopfu; loko swi nga ri tano, swi nga ndzi tsandza ku fa fambisa!”

1 TIKRONIKA 29:19

We HOSI, ndzi kombela leswaku u nyika Solomoni n'wana wa mina matimba ya ku hlayisa swileriso swa wena, ni switsundzuxo swa wena, ni milawu ya wena, leswaku a ta aka Tempele hi nhundzu leyi ndzi yi hlengeleteke.”

1 TIHOSI 1:39

Loko va fikile kona, muprista Sadoki a teka rimhondzo ra mafurha eka Ntsonga lowo Hlawuleka, a ya chela Solomoni enhlokweni a n'wi veka hosi. Kutani ku biwa mhalamhala, hinkwavo lava a va ri kona va huwelela va ku: “Hanya hi masiku, we hosi Solomoni!”

Pisalema 127:1

Loko yindlu yi nga akiwi hi HOSI, ntirho wa vaaki a wu pfuni nchumu. Loko muti wu nga rindziwi hi HOSI, valanguteri va rindzela mahala.

Yohane 3:34

Loyi a rhumiweke hi Xikwembu, ú vula marito ya Xikwembu, hikuva Xikwembu a xi pimi loko xi nyika Moya wa xona.

2 SAMIELE 23:3

Xikwembu xa Israele xi vulavurile. Xona xi nga ribye ra vuchavelo bya Israele, xi te ka mina: ‘Loyi a fumaka vanhu hi ku lulama a fuma a ri karhi a xixima Xikwembu,

1 TIHOSI 3:9

Hikokwalaho, mina nandza wa wena, ndzi kombela vutlhari ni ku twisisa, ndzi ta kota ku fambisa tiko leri ra wena hi ku hlawula leswinene eka leswo biha, hikuva tiko leri ra wena ra tika, ri nga fambisiwa hi mani xana?”

1 TIKRONIKA 18:14

Kutani Davhida a fuma tiko hinkwaro ra Israele. A a fambisa vanhu va yena hinkwavo hi moya wo lulama, a nga yi hi nghohe.

1 TIKRONIKA 22:9

Kambe u ta kuma n'wana wa xinuna la nga ta va munhu wa ndzhuti, wa ku rhula. Vaaki va matiko lama vandzakaneke na yena a va nga ha n'wi pfuki; ú ta thyiwa vito ra Solomoni (hileswaku “la rhuleke”). Enkarhini wa ku fuma ka yena, ndzi ta nyika Vaisraele ku rhula ni ku tshamiseka.