Pisalema 71:3 - BIBELE Mahungu Lamanene

³ u va ribye ro tiya leri ndzi tumbelaka eka rona, leri u ri lulamiseke leswaku ndzi hlayiseka eka rona. Hakunene, hi wena ribye ra mina ni khokholo ranga.

Xitsonga (Bibele)

³ U va ribye ra mina laha ndzi akaka kona, Laha ndzi tivaka ku ya kona hi masiku. U lerisile leswaku ndzi ponisiwa; Hikuva u ribye ra mina, ni khokholo ranga.

Pisalema 71:3 Referans Kwoze

Pisalema 18:2

HOSI i vutumbelo bya mina, i khokholo ranga ni mukutsuri wanga, i Xikwembu xa mina, ni ribye ranga leri ndzi tumbelaka eka rona; i xitlhangu xa mina, lexi nga ni matimba ya ku ndzi ponisa, naswona i khokholo ra mina.

Swivuriso 18:10

HOSI Xikwembu i khokholo lero tiya, leri munhu wo lulama a tsutsumaka a ya tumbela eka rona.

Pisalema 91:9

Hakunene HOSI Xikwembu i khokholo ra wena, u vekile vutshamo bya wena eka Loyi a nge henhla-henhla.

Duteronoma 33:27

Vutshamo bya n'wina byi le ka Xikwembu lexi nga kona minkarhi hinkwayo, mavoko ya xona layo tiya, hi wona ya mi seketelaka, xi mi hlongorisela valala, xi ku ka n'wina: ‘Va heriseni!’

Pisalema 44:4

Hi wena Mufumi wanga ni Xikwembu xanga, hi wena u lerisaka leswaku va ka Yakobo va hlula.

Pisalema 42:8

Hambiswiritano, HOSI Xikwembu xi ta ndzi komba tintswalo loko ri xile, nivusiku ndzi ta yimbelela risimu ra xona, ndzi khongela xona n'wini wa vutomi byanga.

Esaya 33:16

Vanhu vo tano, va ta tshama etinhlohlorhini ta tintshava, maribye ma ta hundzuka makhokholo yo va biyelela eka valala, va ta kuma swakudya, ni mati a va nga ma pfumali.

Pisalema 68:28

We Xikwembu, komba matimba lawa u hi poniseke ha wona, hi kombe ntamu wa wena we Xikwembu,

Ezekiele 9:6

dlayani vakulukumba swin'we ni majaha ni vanhwana ni vavasati ni swihlangi, mi va heta; kambe lava funghiweke emimombyeni, mi nga tshuki mi va khumba! Sungulani hi va le Tempeleni.” Hiloko va sungula hi ku dlaya vakulukumba lava a va yimile emahlweni ka Tempele.

Pisalema 144:2

U yima na mina, wa ndzi biyelela, eka mina u mulweri ni mukutsuri, u xitlhangu xa mina ni khokholo ranga wa ndzi pfuna ku fuma vanhu va mina.

Pisalema 90:1

We N'wini wa hina, ku sukela eminkarhini ya vakokwa wa hina, hi kumile vutshamo eka wena.

Pisalema 18:3

A ku dzunisiwe HOSI! Ndzi huwelela eka yona, kutani ndzi ponisiwa eka valala va mina.

Pisalema 89:27

Ndzi ta n'wi endla mativula ya mina, tihosi hinkwato ta misava ti ta va hansi ka yena.