Pisalema 71:22 - BIBELE Mahungu Lamanene

²² Loko ndzi ri mina, ndzi ta ku twarisa hi haripa, ndzi vula ku tshembeka ka wena Xikwembu xanga; ndzi ta ku dzunisa hi xitende, wena Muhlawuleki wa Israele.

Xitsonga (Bibele)

²² Hikwalaho ndzi ta ku vonga hi gubu, Ndzi ta twarisa ku tshembeka ka wena, Xikwembu xanga, Ndzi va ndzi ku yimbelela hi haripa wena, Mukwetsimi wa Israele.

Pisalema 71:22 Referans Kwoze

2 TIHOSI 19:22

Xana loyi u n'wi sandzeke ni ku n'wi rhuketela, i mani xana? Xana i mani loyi u n'wi huweleleke, loyi u n'wi languteleke hansi eku tikuriseni ka wena, xana? Hi mina Muhlawuleki wa Israele!

Pisalema 33:2

Yi tlangeleni hi switende, mi yi tsakisa hi mpfumawulo wa tiharipa ta khume ra tingoti.

Pisalema 89:18

Mufumi wa hina, a nga loyi a hi sirhelelaka, ú le mavokweni ya wena we HOSI Muhlawuleki wa Israele.

Esaya 60:9

I ta vanhu va matiko ya le kule lava va tshembaka HOSI Xikwembu; ti rhangeriwile hi tingalava to huma eTarxixi, ti vuyisa vana va wena etindhawini ta le kule, ti rhwele silivhere ni nsuku, leswaku vito ra HOSI Xikwembu xa wena ri dzunisiwa, yena Muhlawuleki wa Israele loyi a ku nyikeke ku dzuneka.

Esaya 57:15

Xikwembu xa le henhla-henhla, xona lexi nga kona minkarhi hinkwayo, lexi vito ra xona xi nga Muhlawuleki, xi vurisa sweswo xi ri: “Mina ndzi tshama ehenhla laha ku hlawulekeke, kambe ndzi kumeka ni le xikarhi ka lava khunguvanyekeke, lava titsongahataka; ndzi nyika lava titsongahataka matimba, lava khunguvanyekeke emoyeni, ndza va tiyisa.

Esaya 12:6

Banani minkulungwana, mi tsaka, n'wina vaaki va Siyoni, hikuva Xikwembu lexikulu, xona Muhlawuleki wa Israele, xi tshama exikarhi ka n'wina.”

Esaya 5:24

Leswi va fularheleke Nawu wa HOSI ya matimba hinkwawo, va sola ni marito ya Muhlawuleki wa Israele, va ta herisiwa kukota mavivi lama tshwaka, va ta fana ni byanyi byo oma lebyi hisiwaka byi hela; va ta kota murhi lowu boleke timitsu, ku saseka ka vona ku ta haha kukota ritshuri.

Pisalema 144:9

We Xikwembu, ndzi ta yimbelela risimu lerintshwa ndzi ku dzunisa, ndzi ta ku twarisa hi haripa ya khume ra tingoti,

Pisalema 98:3

A xi tshikanga ku rhandza Vaisraele, ni ku va la tshembekaka eka vona; hambi va ri vanhu va le matikweni ya le kule, va swi vonile leswaku Xikwembu xa hina i muhluri.

Mikiya 7:20

U ta komba ku tshembeka ka wena ni tintswalo ta wena eka va ka Yakobo, vona vatukulu va Abrahama, hilaha u hlambanyeke hakona khale, loko u tshembisa vatata wa hina.

Esaya 43:3

hikuva mina HOSI Xikwembu xa n'wina, Muhlawuleki wa Israele, ndzi muponisi wa n'wina; ndzi ta mi kutsula hi ku nyiketa Vaegipta, ni Vaetiyopiya ni va le Seba eka valala va n'wina.

Esaya 5:19

vona lava va nge: “Muhlawuleki wa Israele a a hatlise a endla leswi a swi vulaka hi ta swi vona; makungu ya yena a ma hatle ma humela rivaleni, a ma humelele leswaku hi ta ma tiva.”

Esaya 5:16

Kambe HOSI Xikwembu xa matimba hinkwawo xi ta dzunisiwa, hikuva xi avanyisa hi ku lulama; hi xona Xikwembu lexo kwetsima lexi kombaka ku hlawuleka ka xona hi ku endla leswi lulameke.

Pisalema 138:2

Ndzi nkhinsama emahlweni ka Tempele ya wena leyo hlawuleka, ndzi ri karhi ndzi tlangela vito ra wena, hikuva u ni rirhandzu, wa tshembeka; leswi u swi tirheke swi tlula hinkwaswo leswi a hi swi languterile eka wena.

Pisalema 89:1

We HOSI, ndzi ta yimbelela rirhandzu ra wena hilaha ku nga heriki, minkarhi hinkwayo ndzi ta byela vanhu leswaku wa tshembeka.

Pisalema 78:41

A va tshikanga ku xi ringa, va xi vangela gome, xona Muhlawuleki wa Israele.

Pisalema 56:4

Ndzi dzunisa Xikwembu hikwalaho ka switshembiso swa xona, ndzi tshemba xona, a ndzi chavi nchumu. Munhu a nga ndzi endla yini xana?

Pisalema 25:10

Tindlela hinkwato ta HOSI Xikwembu ti komba rirhandzu ra xona ni ku tshembeka ka xona eka lava hlayisaka ntwanano wa xona ni switsundzuxo swa xona.

Varhoma 15:8

Hikuva ndza mi byela leswaku Kriste ú ve nandza eka Vayuda, ku kombisa ku tshembeka ka Xikwembu, ni ku endla leswaku switshembiso leswi nga nyikiwa vakokwana swi hetiseka,

Pisalema 43:4

Kutani ndzi ta fika alitarini ya wena, we Xikwembu lexi xi ndzi nyikaka ku tsaka; ndzi ta yimbelela ndzi ku dzunisa hi swichaya-chayani, wena u nga Xikwembu xanga.

Pisalema 98:4

N'wina vaaki hinkwavo va misava huwelelani mi dzunisa HOSI, sumani tinsimu mi yimbelela mi ri karhi mi ba minkulungwana;

Pisalema 98:5

yimbelelani mi twarisa HOSI, mi ri karhi mi chaya tiharipa ta n'wina, swi nandziha.