Pisalema 71:18 - BIBELE Mahungu Lamanene

¹⁸ Hambileswi ndzi baseke nhloko, u nga ndzi tshiki we Xikwembu, ndzi ta kota ku twarisa matimba ya wena lamakulu eka vanhu va nkarhi lowu ni ka lava va ha taka.

Xitsonga (Bibele)

¹⁸ U nga ndzi tshiki, oho Xikwembu! Ni le ku dyuhaleni ka mina, Ndzi ta kota ku vula matimba ya wena eka vanhu va sweswi, Ni mitirho ya ntamu wa wena eka hinkwavo lava nga ta ta!

Pisalema 71:18 Referans Kwoze

Esaya 46:4

Ndzi ta va kona mi kondza mi dyuhala, ndzi ta mi tlakula mi kondza mi basa tinhloko; mi endliwile hi mina, kutani ndzi ta mi bebula, ndzi ta mi tlakula, ndzi mi ponisa.

Pisalema 71:9

Ndzi dyuhele, kambe u nga ndzi cukumeti! Hambileswi ndzi heleriweke hi matimba, u nga ndzi tshiki,

Pisalema 78:4

A hi nga ti fihleli vatukulu va vona, vona lava va taka endzhaku ka hina, hi ta va tivisa mintirho leyo dzuneka ya HOSI Xikwembu ni matimba ya xona, hi va byela ni leswo hlamarisa leswi xi swi endleke.

Pisalema 78:6

kutani ni lava va ha taka va ta tiva timhaka leti, va tlhela va ti dyondzisa ni vana va vona.

Pisalema 22:31

lava nga si velekiwaka va ta tivisiwa leswaku hi yena la kutsuleke Vaisraele.

Esaya 51:9

We HOSI, suka u yima, yima u kombisa matimba ya wena, ku fana ni leswi u swi endleke eminkarhini ya khale, emasikwini lama hundzeke. Xana a hi wena u phatluleleke Rahaba, yi nga dragona leyi u yi dlayeke, xana?

1 SAMIELE 4:18

Kuteloko wanuna a rungula ta Areka ya Xikwembu, Heli a wa hi xikosi exitshan'wini xa yena, a wela kusuhi ni nyangwa, a tshoveka nhamu, a fisa sweswo, hikuva a a dyuharile ngopfu, naswona a a ri munhu wa miri swinene. Ú vile muavanyisi wa timhaka ta Vaisraele hi malembe ya 40.

Timhaka 13:36

“Loko a ri Davhida, ú yisile makungu ya Xikwembu emahlweni, enkarhini wa ku hanya ka yena, kutani a tietlelela, a lahliwa ni vatata wa yena, a va a bola.

Esaya 53:1

Xana i mani loyi a kholweke leswi hi byeriweke swona xana? Xana ú kona loyi a voneke matimba ya HOSI Xikwembu emhakeni leyi, xana?

1 SAMIELE 4:15

(Heli a a ri ni malembe ya 98. Mahlo ya yena a ma phumerile, ma nga ha voni swinene.)

Eksoda 13:8

Hi siku rero ra nkhuvo, mi fanele ku byela vana va n'wina, mi ku: ‘Hi endla leswi hikwalaho ka mintirho leyi HOSI Xikwembu xi hi endleleke yona, siku hi humeke le Egipta.’

Genesa 27:1

Loko Isaka a dyuharile swinene, ni mahlo ya yena ma ri ni riphume, ma nga ha voni swinene, a vitana Esawu n'wana wa yena lonkulu, a ku ka yena: “N'wananga.” Esawu a hlamula a ku: “Hi mina loyi.”

Pisalema 48:14

“Lexi hi xona Xikwembu, Xikwembu xa hina hilaha ku nga heriki; xi ta hi komba tindlela minkarhi hinkwayo.”