Pisalema 69:35 - BIBELE Mahungu Lamanene

³⁵ hikuva Xikwembu xi ta ponisa muti wa Siyoni, xi tlhela xi pfuxa miti ya Yuda, kutani malandza ya xona ma ta tshama kona, ma ta teka tiko ri va ra wona;

Xitsonga (Bibele)

³⁵ Hikuva Yehovha u ta ponisa Siyoni u ta aka miti ya Yuda; Va ta tshama kona, va fuma tiko.

Pisalema 69:35 Referans Kwoze

Esaya 44:26

Kambe leswi malandza ya mina ma swi tivisaka, ndza swi tiyisa, ni makungu lawa varhumiwa va mina va ma twarisaka, ndzi endla leswaku ma humelela. Hi tlhelo ra muti wa Yerusalema, ndzi ri: ‘Wu ta tlhela wu va ni vanhu.’ Hi tlhelo ra miti ya Yuda, ndzi ri: ‘Yi ta akiwa hi vuntshwa, ndzi ta yi pfuxa.’

Pisalema 51:18

Hikwalaho ka tintswalo ta wena, katekisa muti wa Siyoni, u pfuxa rirhangu ra Yerusalema,

Esaya 46:13

Siku leri ndzi nga ta mi ntshunxa ha rona, ndzi ri tshinete kusuhi, a ra ha ri kule; ri nge hlweli ku fika, siku leri ndzi nga ta mi ponisa ha rona; muti wa Siyoni wu ta kuma ku pona, tiko ra Israele, ndzi ta ri nyika ku dzuneka ka mina.”

Obadiya 1:17

“Entshaveni ya Siyoni, van'wana va ta pona; ntshava leyi yi ta va yi hlawulekile. Va ka Yakobo va ta tlhela va kuma leswi nga swa vona.

Nhlavutelo 14:1

Ndzi languta, kutani ndzi vona Xinyimpfana xi yimile entshaveni ya Siyoni, xi ri ni vanhu va 144 000 lava mimombo ya vona yi tsariweke vito ra xona ni ra Tata wa xona.

Esaya 14:32

Lava nga ta rhumiwa hi Vafilista, va ta hlamuriwa yini xana. “HOSI Xikwembu hi xona xi simekeke muti wa Siyoni, vanhu va xona lava xanisekaka, va ta tsutsuma va ya tumbela eka wona.”

Pisalema 102:16

hikuva yi ta aka muti wa Siyoni hi vuntshwa, yi ta tikomba eku kwetsimeni ka yona;

Pisalema 102:13

U ta suka u yima u tsetselela muti wa Siyoni, hikuva hi wona nkarhi wa ku wu twela vusiwana, nkarhi lowu vekiweke hakunene wu fikile.

1 TIKRONIKA 16:32

Lwandle a ri pfume ni hinkwaswo leswi nga ka rona; masimu ni hinkwaswo leswi milaka eka wona, a swi tsake;

Pisalema 145:10

We HOSI, swivumbiwa swa wena hinkwaswo swi ta ku dzunisa, vahlawuriwa va wena hinkwavo va ta ku tlangela.

Pisalema 145:21

Nomo wa mina a wu vule ku dzuneka ka HOSI Xikwembu, hinkwaswo leswi hanyaka a swi nkhense vito ra xona lero hlawuleka, namuntlha ni hilaha ku nga heriki.

Pisalema 148:4

Xi dzuniseni n'wina matilo ya le henhla-henhla, kun'we na n'wina mati lama nge henhla matilweni.

Esaya 44:23

N'wina matilo, yimbelelani, hikuva loyi a tirheke swilo leswi i HOSI Xikwembu; n'wina tindhawu leti nga marhumbyini ya misava, banani minkulungwana; sumani tinsimu mi yimbelela, n'wina tintshava, na n'wina swihlahla, yimbelelani ni mirhi ya n'wina hinkwayo, hikuva HOSI Xikwembu xi kutsurile va ka Yakobo, kutani xi ta dzunisiwa etikweni ra Israele.