Pisalema 69:19 - BIBELE Mahungu Lamanene

¹⁹ Wa swi tiva leswaku ndzi rhuketeriwa ngopfu, u tiva ni tingana leti ndzi khomisiwaka tona; valala va mina hinkwavo va tiva hi wena.

Xitsonga (Bibele)

¹⁹ U tiva ku soriwa ka mina, ni tingana ta mina, ni ku sandziwa ka mina; Valala hinkwavo va mina va le mahlweni ka wena.

Pisalema 69:19 Referans Kwoze

Vaheveru 12:2

A hi languteni eka Yesu, musunguri ni muhetisisi wa ku pfumela ka hina, loyi a nga chavangiki ku byarha xihambano, a nga vuli nchumu hi tingana ta kona, hikwalaho ka ku tsaka loku vekiweke emahlweni ka yena; kutani sweswi ú tshamile evokweni ra xinene exiluvelweni xa Xikwembu.

1 Petro 2:23

Loko a rhuketeriwa, a nga tlheriselanga hi ku rhuketela; loko va n'wi twisa ku vava, a nga vulanga leswaku ú ta tirihisela, kambe ú swi tshikile emavokweni ya loyi a avanyisaka hi ku lulama.

Esaya 53:3

Vanhu a va n'wi langutela hansi, va nga n'wi amukeli. A a ri munhu wa mahlomulo, loyi a kombiwaka maxangu; vanhu a va nga lavi na ku n'wi vona, kutani hina a hi n'wi sola, hi nga ri na mhaka na yena.

Yohane 8:49

Yesu a hlamula, a ku: “Mina, a ndzi na demona, kambe ndzi xixima Tata wa mina, kutani n'wina a mi ndzi xiximi.

Pisalema 38:9

We N'wini wanga, u tiva hinkwaswo leswi ndzi swi navelaka, ku konya ka mina, wa ku twa.

Pisalema 5:9

Leswi humaka emilon'wini ya vona a swi na ntiyiso, timbilu ta vona ti tele vumbabva; hambiloko va vulavula swo tsakisa vanhu, minkolo ya vona i masirha lama ahlameke.