Pisalema 68:9 - BIBELE Mahungu Lamanene

⁹ We Xikwembu, u nisile timpfula letikulu, u pfuxetile tiko ra wena, hikuva a ri herile matimba.

Xitsonga (Bibele)

⁹ Oho Xikwembu! U nisile mpfula ya ku kateka ehenhla ka ndzhaka ya wena, Ni loko yi karhele, u yi hile matimba.

Pisalema 68:9 Referans Kwoze

Duteronoma 11:14

xi ta mi nisela mpfula etikweni ra n'wina hi nguva ya kona; leyo sungula yi ta na, hambi yi ri leyo tsema nguva, kutani mi ta pfuna mavele ni vhinyo ni mafurha.

Ezekiele 34:26

Ndzi ta va tshamisisa, va kuma ni minkateko loko va rhendzela ntshava ya mina; ndzi ta va katekisa hi ku va nisela mpfula hi tinguva ta yona.

Eksoda 19:18

Ntshava hinkwayo ya Sinayi a yi funengetiwile hi musi, hikuva Xikwembu a xi rhelerile xi ta ehenhla ka yona hi xivumbeko xa ndzilo. Kutani musi wa ndzilo lowu wu huma wu ya ehenhla ku fana ni ndzilo wa le xitikweni, ntshava hinkwayo yi tsekatseka swinene.

Vaavanyisi 5:4

We HOSI, siku u sukeke eSeyira, u huma exifundzheni xa Edomu, misava a yi tsekatseka, matilo ma nisa mpfula, mapapa ma chulula mati;

Vaavanyisi 5:5

tintshava a ti ninginika emahlweni ka wena HOSI Xikwembu xa le Sinayi, emahlweni ka wena HOSI Xikwembu xa Vaisraele.

1 TIHOSI 19:11

Kutani HOSI Xikwembu xi ku: “Huma u ya yima enhlohlorhini ya ntshava, emahlweni ka mina HOSI, hikuva ndzi le kusuhi ni ku hundza.” Kavaloko xidzedze lexikulu xa matimba xi ba tintshava ti pandzeka, xi hirimuxa ni maribye, xi rhangele HOSI Xikwembu. Kambe xona a xi nga ri kona eka xidzedze. Endzhaku ka xidzedze, misava yi tsekatseka, kambe HOSI Xikwembu a xi nga ri kona eku tsekatsekeni loku.