Pisalema 68:5 - BIBELE Mahungu Lamanene

⁵ Tata wa lava pfumalaka vatswari ni musirheleli wa tinoni, i Xikwembu lexi tshamaka exivandleni lexo hlawuleka.

Xitsonga (Bibele)

⁵ Tatana wa swisiwana ni muyimeri wa tinoni, Hi lexi Xikwembu xi nga xona endlwini leyo kwetsima ya xona.

Pisalema 68:5 Referans Kwoze

Pisalema 10:14

Kasi wena wa swi vona; ina, maxangu ni mahlomulo wa ma vona, u tiyimisele ku lwela swisiwana. Hikokwalaho, lava tsaneke va tinyiketa eka wena, lava pfumalaka vatswari, va kuma ku pfuneka eka wena.

Yeremiya 49:11

‘Mi nga vileli hi swisiwana swa n'wina, hikuva ndzi ta swi hlayisa; na tona tinoni ta n'wina a ti ndzi tshembe!’ ”

Duteronoma 10:18

HOSI Xikwembu xi sirhelela lava nga riki na vatswari, ni tinoni; xi rhandza ni valuveri, xi va nyika swakudya ni swiambalo,

Yeremiya 5:28

naswona va phemeka hi ku nyuhela, va tlhela va vangama. Mintirho ya vona leyo biha yi tlula mpimo; loko va tsema timhaka a va landzeleli nawu. Swisiwana a va na mhaka na swona, tifanelo ta vapfumari a va ti sirheleli.

Pisalema 146:9

HOSI Xikwembu xi hlayisa valuveri, xi tikarhatela swisiwana ni tinoni, kambe xi hingakanya tindlela ta lavo homboloka.

Esaya 1:23

Varhangeri va wena va tiarisa ngopfu, va twanana ni makhamba; hinkwavo va tsakela ku xaviwa, va rhandza ngopfu tinyiko; a va lweli lava pfumalaka vatswari, ni nkarhi wo sirhelela tinoni, a va na wona.

Esaya 57:15

Xikwembu xa le henhla-henhla, xona lexi nga kona minkarhi hinkwayo, lexi vito ra xona xi nga Muhlawuleki, xi vurisa sweswo xi ri: “Mina ndzi tshama ehenhla laha ku hlawulekeke, kambe ndzi kumeka ni le xikarhi ka lava khunguvanyekeke, lava titsongahataka; ndzi nyika lava titsongahataka matimba, lava khunguvanyekeke emoyeni, ndza va tiyisa.

Pisalema 72:4

Mufumi wa tiko a a sirhelele swisiwana; a a pfune lava pfumalaka, kambe a herisa vaxanisi,

Pisalema 10:18

u yima ni lava pfumalaka vatswari, u lwela ni lava xanisiwaka, leswaku vanhu va misava leyi, va nga ha engeti va va karhata.

2 TIKRONIKA 6:2

Hikokwalaho mina ndzi ku akerile yindlu leyo chaviseka, leyi u nga ta tshama eka yona hilaha ku nga heriki.”

Vaefesa 5:1

Leswi mi nga vana va Xikwembu lava rhandzekaka, ringetani ku fana na xona.

Esaya 66:1

HOSI Xikwembu xi ri: “Matilo i xiluvelo xa mina, misava i ndhawu leyi ndzi kandziyaka eka yona. Yindlu leyi mi nga ndzi akelaka yona leswaku yi va ndhawu ya mina yo wisela eka yona, xana yi nga va tani hi kwihi xana?

Pisalema 72:2

leswaku a avanyisela vanhu timhaka ta vona hi nawu, a biyelela swisiwana swa wena.

Pisalema 33:14

xi xiyaxiya vanhu hinkwavo lava akeke emisaveni xi ri exiluvelweni xa xona.

2 TIKRONIKA 30:27

Esikwini ro hetelela ra nkhuvo, vaprista va ka Levhi va kombelela nhlengeletano eminkateko ya HOSI Xikwembu, kutani xona xi amukela ku khongela ka vona, xi ri evutshan'wini bya xona lebyo hlawuleka bya le tilweni.

Hosiya 14:3

Hakunene, tiko ra Asiriya ri nga ka ri nga hi ponisi, ni tihanci ta nyimpi ti nga ka ti nga hi sirheleli; ni xilo lexi hi xi endleke hi mavoko ya hina, hi nge he engeti hi ku ka xona: ‘U xikwembu xa hina!’ Eka wena, hambi a ri n'wana wo pfumala vatswari ú kuma ku hlayiseka.”

Duteronoma 26:15

Languta u ri evutshan'wini bya wena lebyo hlawuleka ematilweni, u katekisa Vaisraele vanhu va wena, u katekisa ni tiko leri u hi nyikeke rona ro khuluka ntswamba ni vulombe, hilaha u hlambanyeleke vatata wa hina hakona.’

Eksoda 3:15

Xikwembu xi tlhela xi ku ka Muxe: “U ta byela vanhu va Israele, u ku: ‘HOSI, Xikwembu xa vatata wa n'wina, xi nga Xikwembu xa Abrahama, na Isaka, na Yakobo, xi ndzi rhumile eka n'wina.’ Leri hi rona vito ra mina hilaha ku nga heriki, kutani ndzi ta vitaniwa hi rona eka hinkwavo lava nga ta velekiwa.

Pisalema 118:19

Ndzi pfuleleni tinyangwa ta lavo lulama, hikuva ndzi lava ku nghena ha tona eTempeleni, ndzi ya tlangela HOSI Xikwembu.

Pisalema 150:6

Hinkwaswo leswi hefemulaka, a swi dzunise HOSI Xikwembu! Dzunisani HOSI!

Esaya 12:4

kutani eminkarhini yoleyo, mi ta ku: “Tlangelani HOSI, mi khongela yona. Byelani matiko leswi yi swi endleke, ma tiviseni vukulu bya vito ra yona.