Pisalema 68:4 - BIBELE Mahungu Lamanene

⁴ Dzunisani Xikwembu hi tinsimu, mi twarisa vito ra xona. Khulelani ndlela ya Loyi a fambaka hi mapapa, hikuva vito ra yena i HOSI; banani nkulungwana emahlweni ka yena.

Xitsonga (Bibele)

⁴ Yimbelelani Xikwembu, dzunisani vito ra xona, Lunghiselani loyi a fambaka exikarhi ka mananga endlela! Yehovha i vito ra yena; tsakani emahlweni ka yena!

Pisalema 68:4 Referans Kwoze

Duteronoma 33:26

“N'wina va ka Yexuruni, ku hava Xikwembu xin'wana ehandle ka lexi, xi tsemakanya matilo ni mapapa, xi ta xi ta mi pfuna hi vukulu bya xona.

Pisalema 66:4

Vanhu hinkwavo va misava va khongela wena; va yimbelela va ku dzunisa, va twarisa vito ra wena.”

Pisalema 104:3

U tiakerile vutshamo exibakabakeni xa le tilweni, u khandziya mapapa onge i golonyi, u ya hala ni hala etimpapeni ta moya;

Pisalema 68:33

yena loyi a famba-fambaka ehenhla, ematilweni lama nga va kona ni khale. Yingisani, ku twala rito ra yena, ri nga rito leri nga ni matimba.

Pisalema 66:2

yimbelelani mi twarisa vito ra xona, xi kombeni xichavo hi ku xi dzunisa.

Pisalema 67:4

Matiko a ma tsake ma ba nkulungwana, hikuva u ma fuma hi ku lulama, hi wena u fambisaka vanhu laha misaveni.

Pisalema 18:10

yi khandziya golonyi ya mapapa, yi haha ha yona, yi rhelela yi ri etimpapeni ta moya.

Esaya 40:3

Ku twala rito ra munhu la huwelelaka, a ku: “Boxelani HOSI endlela emananga, khulelani gondzo enhoveni, mi khulelela Xikwembu xa n'wina.

Pisalema 83:18

Kutani vanhu va ta tiva leswaku hi wena ntsena u vuriwaka HOSI, wena Xikwembu lexi nga henhla-henhla, lexi fumaka misava hinkwayo.

Eksoda 6:8

Kutani ndzi ta mi yisa etikweni leri ndzi hlambanyeke leswaku ndzi ta ri nyika Abrahama, na Isaka, na Yakobo; ndzi ta mi nyika rona ri va ndzhaka ya n'wina. Hi mina HOSI Xikwembu!’ ”

Eksoda 6:3

Loko ndzi tikombile eka Abrahama, ni le ka Isaka, ni le ka Yakobo, a ndzi tivula ‘Xikwembu-xa-matimba-hinkwawo’; kambe a ndzi titivisanga eka vona hi vito ra mina ra ‘HOSI’.

Eksoda 3:14

Kutani Xikwembu xi ku ka Muxe: “NDZI LOYI NDZI NGA YENA!” Xi engeta xi ku: “U ta ku ka vanhu va Israele: ‘La vuriwaka NDZI YENA, ú ndzi rhumile eka n'wina.’ ”

Esaya 62:10

Humani! Humani hi tinyangwa, mi ya lulamisa ndlela ya lava vuyaka. Boxani gondzo mi ri khulela, mi susetela ni maribye, yimisani ni mujeko leswaku vamatiko va ta wu vona.

Esaya 19:1

Lawa i mahungu hi tlhelo ra tiko ra Egipta. Vonani, HOSI Xikwembu xa ta, xi ta hi papa ra rivilo swinene, xi tela Vaegipta; swifaniso swa swikwembu swa Vaegipta swi ta rhurhumela emahlweni ka xona, hambi va ri vona Vaegipta va ta hela matimba hi ku chava.

Pisalema 5:12

We HOSI, u katekisa munhu wo lulama, nsovo wa wena wu n'wi vhikela ku fana ni xitlhangu.

Pisalema 16:11

U ndzi komba ndlela ya vutomi, laha u nga kona, ntsako wa khapa; evokweni ra wena ra xinene, ka tiphiniwa hilaha ku nga heriki.

Pisalema 97:11

Lavo lulama va tlhavela hi ku vonakala, lava nga ni timbilu to basa va kuma ku tsaka.

Swivuriso 10:28

Ku tshemba ka lavo lulama ku hela hi ntsako, kambe leswi lavo homboloka va swi langutelaka, swi helela empfhukeni.