Pisalema 68:34 - BIBELE Mahungu Lamanene

³⁴ Tivisani vanhu leswaku Xikwembu xi ni ntamu, vuhosi bya xona byi ungamela Vaisraele, xi fuma xi ri henhla ematilweni.

Xitsonga (Bibele)

³⁴ Nyikani Xikwembu matimba! Ku kwetsima ka xona ku le henhla ka Israele, matimba ya xona ma le mapapeni.

Pisalema 68:34 Referans Kwoze

Nhlavutelo 19:6

Kutani ndzi twa leswi fanaka ni rito ra ntshungu lowukulu kumbe mpfumawulo wa mati layo tala, swi fana ni mpfumawulo wa ku baleka lokukulu ka tilo, swi ku: “Aleluya! Ku fuma i ka Hosi, Xikwembu xa hina lexi nga ni matimba hinkwawo.

2 Petro 1:17

Hikuva siku a nga nyikiwa ku dzuneka ni ku twala hi Xikwembu Tatana, rito ri fikile eka yena ri ta hi ku kwetsima loku hlamarisaka, ri ku: “Loyi i N'wananga, loyi ndzi n'wi rhandzaka ni ku n'wi tsakela.”

Pisalema 150:1

Dzunisani HOSI! Dzunisani Xikwembu exivandleni xa xona lexo hlawuleka, xi dzuniseni ehansi ka tilo leri kombaka matimba ya xona.

Duteronoma 33:26

“N'wina va ka Yexuruni, ku hava Xikwembu xin'wana ehandle ka lexi, xi tsemakanya matilo ni mapapa, xi ta xi ta mi pfuna hi vukulu bya xona.

Duteronoma 33:27

Vutshamo bya n'wina byi le ka Xikwembu lexi nga kona minkarhi hinkwayo, mavoko ya xona layo tiya, hi wona ya mi seketelaka, xi mi hlongorisela valala, xi ku ka n'wina: ‘Va heriseni!’

Pisalema 29:4

Rito ra HOSI ri ni matimba swinene, ri komba vuhosi bya yona lebyi chavisaka.