Pisalema 68:25 - BIBELE Mahungu Lamanene

²⁵ vayimbeleri va rhangile emahlweni, va landza hi vanhwanyana lava baka swingomana, endzhaku ka vona ku ta vachayi va swichaya-chayani.

Xitsonga (Bibele)

²⁵ Vayimbeleri va rhanga emahlweni ndzhaku ku famba lava yimbaka hi magubu, Exikarhi ka vanhwanyana lava yimbaka hi mirumba.

Pisalema 68:25 Referans Kwoze

1 TIKRONIKA 13:8

Davhida ni Vaisraele hinkwavo va cina hi ku tsaka emahlweni ka Xikwembu va nga titsetseleri, va ri karhi va yimbelela, va chaya switende ni tiharipa ni swingomana, va bananisa swiphambati swa nsimbhi, va chaya ni tinanga.

Vaavanyisi 11:34

Loko Yefta a fika emutini wa yena eMispa, ko huma n'wana wa yena wa nhwanyana a n'wi hlanganisa a ri ni swingomana, a ri karhi a cina, Nhwanyana loyi, a a ri yexe eka Yefta, ehandle ka yena, Yefta a a nga ri na n'wana wa mufana kumbe wa nhwanyana.

Eksoda 15:20

Muprofeta Meriyamu, loyi a a ri makwavo wa Aroni, a teka xingomana; vavasati hinkwavo va huma va n'wi landza, va ri karhi va khankha, va khomile swingomana swa vona.

Yeremiya 31:13

Vanhwana ni majaha, ni vakulukumba, va ta cina va tsakile, swirilo swa vona swi hundzuka tinsimu ta ntsako; ndzi ta va khongotela, ndzi va nyika ku rhula ematshan'wini ya maxangu.

Yeremiya 31:4

N'wina Vaisraele, ndzi ta tlhela ndzi mi simeka etikweni ra n'wina, kutani mi ta tshamiseka swinene. Mi ta tlhela mi rhwala swingomana, mi ya cina ni lava tsakeke.

Pisalema 87:7

Kutani vona va cina ni ku yimbelela, va ku: “Timitsu ta hina hinkwato ti kwala ka wena!”

1 SAMIELE 18:6

Siku rin'wana, loko Davhida ni mavuthu va vuya hi le ku hlaseleni ka Vafilista, vavasati va huma emitini hinkwayo ya Israele, va ri karhi va yimbelela ni ku cina, va ya hlanganisa hosi Sawulo va tamele swingomana, va ba ni minkulungwana, va chaya swichaya-chayana swa vona,

Pisalema 63:3

Hikokwalaho ndzi ta ku dzunisa hi nomo wa mina: Rirhandzu ra wena ri tsakisa ku tlula vutomi!

Pisalema 77:14

Hi wena Xikwembu lexi endlaka mahlori, u komba matimba ya wena exikarhi ka vamatiko.