Pisalema 68:22 - BIBELE Mahungu Lamanene

²² N'wini wa hinkwaswo ú te: “Valala va mina, ndzi ta va hlongola va suka eBaxani, ndzi ta va tsavula elwandle.

Xitsonga (Bibele)

²² Hosi yi te: “Ndzi ta va tlherisa va pfa eBaxani; Ndzi va humesa exidziveni xa lwandle,

Pisalema 68:22 Referans Kwoze

Tinhlayo 21:33

Kutani Vaisraele va suka kona, va tlhandluka hi ndlela leyi kongomaka eBaxani; hiloko Ogo hosi ya le Baxani ni mavuthu ya yena hinkwawo, va huma ku ya lwa ni Vaisraele le Edreyi.

Ezekiele 36:24

N'wina Vaisraele, ndzi ta mi hlengeleta mi huma ematikweni ya vanhu vambe, ndzi mi vuyisa etikweni ra n'wina.

Esaya 49:22

HOSI N'wini wa hinkwaswo ú vurisa sweswo ú ri: “Vonani, ndzi ta yimisa voko ni mujeko, ndzi koweta matiko ni vanhu va wona; va ta tlakula vana va wena va xinuna va va vuyisa, va xisati vona va ta ta na vona va va bebule kunene.

Eksoda 14:29

Kambe Vaisraele vona va pele lwandle va famba laha ku omeke, mati ma va endlele makhumbi exineneni ni le ximatsini.

Eksoda 14:22

kutani Vaisraele va nghena elwandle, va famba laha ku omeke; mati a ma endlile makhumbi hi tlhelo ra vona ra xinene ni lera ximatsi.

Pisalema 110:6

siku a avanyisaka matiko, ú herisa varhangeri ematlhelweni hinkwawo ya misava, kutani mintsumbu yi tala hinkwako.