Pisalema 68:18 - BIBELE Mahungu Lamanene

¹⁸ We Xikwembu, u tlhandlukele entshaveni leyo leha u ri karhi u fambisa lava u va khomeke enyimpini; u amukerile tinyiko eka vanhu, hambi ti ri ta lava tiarisaka, kutani u ta tshama exivandleni xexo we Xikwembu.

Xitsonga (Bibele)

¹⁸ U tlhandlukele ehenhla, u yise vakhomiwa, U tekile tinyiko exikarhi ka vanhu, Ni le xikarhi ka lava tiarisaka, Leswaku ku va ni vuako bya Yehovha Xikwembu exikarhi ka vona.

Pisalema 68:18 Referans Kwoze

Nhlavutelo 21:3

Ndzi twa ni rito lerikulu leri humaka exiluvelweni ri ku: “Vonani, vuako bya Xikwembu byi le vanhwini. Xi ta aka na vona, kutani va ta va vanhu va xona; Xikwembu hi xoxe xi ta va na vona, xi va Xikwembu xa vona.

2 Vakorinto 6:16

Tempele ya Xikwembu yi ni vunakulobye byihi ni swikwembu swa hava ke? Hikuva tempele ya Xikwembu lexi hanyaka hi hina, kukotisa leswi Xikwembu xi nga te: “Ndzi ta aka na vona, ndzi famba-famba exikarhi ka vona, ndzi ta va Xikwembu xa vona, kutani vona va ta va tiko ra mina.”

Vaavanyisi 5:12

“Khindlimuka, we Debora, pfuka! Ndzi ri pfuka, pfuka u suma risimu! Pfuka, we Baraka, u rhangela lava u va khomeke, we n'wana Abinowama!

1 Petro 3:22

yena loyi a yeke etilweni, kutani sweswi ú le vokweni ra xinene ra Xikwembu, tintsumi ni vafumi ni leswa matimba swi ri ehansi ka yena.

Timhaka 2:4

Hinkwavo va tala hi Moya lowo Kwetsima, kutani va sungula ku vulavula hi tindzimi tin'wana, hilaha Moya wu nga va nyika ku vulavula hakona.

Yohane 16:7

Hambiswiritano, ndza mi byela ntiyiso: Swi ta va swinene eka n'wina loko ndzi famba. Hikuva loko ndzi nga fambi, Muyimeri a nga ka a nga ti eka n'wina; kambe loko ndzi famba, ndzi ta n'wi rhumela a ta eka n'wina.

Yohane 14:23

Yesu a n'wi hlamula, a ku: “Loko munhu a ndzi rhandza, ú ta hlayisa rito ra mina, kutani Tata wa mina ú ta n'wi rhandza, kutani hi ta ta eka yena, hi tshama na yena.

Pisalema 110:1

HOSI Xikwembu xi byerile murhangeri wa tiko ra ka hina xi ku: “Tana u ta tshama evokweni ra mina ra xinene, kutani ndzi ta veka valala va wena ehansi ka minkondzo ya wena.”

Pisalema 47:5

HOSI Xikwembu xi tlhandlukele eSiyoni, vanhu va ri karhi va ba huwa ya ntsako, va chaya ni tinanga.

Pisalema 24:3

Xana i vamani lava nga ta tlhandlukela entshaveni ya HOSI Xikwembu xana? Lava nga ta yima endhawini ya xona leyo hlawuleka i vamani xana?

Vakolosa 2:9

Hikuva vukwembu hinkwabyo byi akile hi ku tala eka yena, emirini wa yena,

Pisalema 78:60

Xi herisile vutshamo bya xona bya le Xilo, wu nga ntsonga lowu a xi tshama eka wona exikarhi ka vanhu va xona.

Vakolosa 2:3

eka yena ku tumbetiwile rifuwo hinkwaro ra vutlhari ni ra vutivi.

Varhoma 5:8

Kambe Xikwembu xi kombisa erivaleni rirhandzu ra xona eka hina, hileswi Kriste a nga hi fela loko ha ha ri vadyohi.

2 TIKRONIKA 6:18

“Xana hakunene, wena Xikwembu, u nga tshama na vanhu laha misaveni xana? Leswi matilo ya matilo ma nga ku eneriki, Tempele leyi ndzi yi akeke yi nga ku enerisa ku yini?

Nhlavutelo 1:20

Xihundla xa tinyeleti leti ta 7 leti u ti voneke evokweni ra mina, ni xihundla xa switlhoma-timboni swa 7 swa nsuku, hi lexi: Tinyeleti ta 7 i tintsumi ta tikereke ta 7, kutani switlhoma-timboni swa 7 i tikereke ta kona ta 7.”

Vaheveru 8:1

Kutani ke, nhloko-mhaka ya leswi hi swi vulaka hi leyi: Hi ni Muprista Lonkulu wo tani hi yena, loyi a tshameke evokweni ra xinene ra xiluvelo xa vuhosi ematilweni,

Vaheveru 6:20

Yesu ú nghenile kona ku va murhangeri hikwalaho ka hina, yena la vekiweke Muprista Lonkulu hilaha ku nga heriki, hileswi a nga wa rixaka rin'we na Melkisedeke.

Vaheveru 4:14

Loko swi ri tano, leswi hi nga ni Muprista Lonkulu swinene loyi a tsemakanyeke matilo, a nga yena Yesu N'wana wa Xikwembu, a hi khomeni hi tiya evukhongerini bya hina.

Vaheveru 1:3

Hi yena loyi ku kwetsima ka Xikwembu ku tikombaka eka yena, kutani ú tekelele leswi Xikwembu xi nga swona hi xiviri xa xona; naswona ú tamele ntumbuluko hinkwawo hi rito ra yena ra matimba. Loko a hlantswile swidyoho swa vanhu, ú tshamile evokweni ra xinene ra Loyi a nga ni vukulu hinkwabyo, ehenhla matilweni,

Timhaka 9:17

Ananiya a famba, a ya nghena ndlwini, kutani a tlhandleka Sawulo mavoko, a ku: “Sawulo makwerhu, ndzi rhumiwile hi Hosi, a nga yena Yesu la tikombiseke ka wena endleleni leyi u nga ta ha yona; ú ndzi rhumile eka wena leswaku u tlhela u vona, ni leswaku u tala Moya lowo Kwetsima.”

Timhaka 2:23

hi yena loyi a nga nyiketiwa, hi makungu lama tiyeke ya Xikwembu ni ku tiva ka xona ka khale; kutani mi n'wi dlayile hi mavoko ya vanhu lavo homboloka lava nga n'wi vamba exihambanweni.

Luka 24:51

Loko a ri karhi a va katekisa, a avana na vona [a tlakuriwa, a ya etilweni].

Luka 24:49

Loko a ri mina, ndzi ta mi rhumela leswi Tata wa mina a mi tshembiseke swona. Kambe n'wina tshamani kwala mutini, ku fikela loko mi funengetiwa hi matimba ya le henhla.”

Luka 24:47

Kutani, hi vito ra yena, timhaka ta ku hundzuka ni ta ku rivaleriwa swidyoho ti ta twarisiwa ematikweni hinkwawo, ku sungula hi le Yerusalema.’

Marka 16:9

Loko Yesu a pfukile eku feni, empundzwini wa siku lero sungula ra vhiki, a rhanga a tikomba eka Mariya wa Magadala, a nga wansati loyi Yesu a a hlongorile mademona ya 7 eka yena.

Matewu 9:13

“Yanani, mi ya dyondza rito leri nge: ‘Ndzi tsakela tintswalo, ku nga ri magandzelo.’ Hikuva a ndzi tanga ku ta vitana lava lulameke, kambe vadyohi.”

Ezekiele 48:35

Rirhangu hinkwaro leri rhendzelaka muti matlhelo ya mune, ri ta va ri lehile 9 000 m. Eminkarhini leyi taka, muti wa Yerusalema wu ta thyiwa vito lerintshwa ra “Vukona-bya-HOSI-Xikwembu”!

Esaya 57:15

Xikwembu xa le henhla-henhla, xona lexi nga kona minkarhi hinkwayo, lexi vito ra xona xi nga Muhlawuleki, xi vurisa sweswo xi ri: “Mina ndzi tshama ehenhla laha ku hlawulekeke, kambe ndzi kumeka ni le xikarhi ka lava khunguvanyekeke, lava titsongahataka; ndzi nyika lava titsongahataka matimba, lava khunguvanyekeke emoyeni, ndza va tiyisa.

Esaya 55:7

Lavo homboloka a va tshike mahanyelo ya vona layo biha, ni lava nga lulamangiki a va cukumete kule miehleketo leyo biha leyi va nga na yona; hinkwavo a va tlhelele eka HOSI Xikwembu xa hina, kutani xi ta va twela vusiwana, xi va rivalela swidyoho swa vona hinkwaswo.

Pisalema 7:7

Hlengeleta matiko ma ku rhendzela, kutani u ma fuma u ri ehenhla.

Duteronoma 33:2

a ku: “HOSI Xikwembu xi tile xi huma entshaveni ya Sinayi, xi hi voningile xi ri eSeyira, xi vangama xi ri entshaveni ya Parani, xi tile ni madzana-dzana ya vahlawuriwa va xona, evokweni ra xinene xi khomile ndzilo lowu vuvumelaka.

Yuwele 2:11

Emahlweni ka mavuthu ya xona, HOSI Xikwembu xo huwelela kunene, hikuva vandla ra xona ri kurile ku tlula mpimo, ri ni matimba, vandla leri ri endlaka swileriso swa xona. Siku ra HOSI i rikulu, ra chavisa; xana ri ta tiyeriwa hi mani xana?